شاركي في النقاش

سجلي الدخول لإضافة تعليق.

التعليقات

1,992
  1. @albdor_13

    صمتي شوق
    اللهم امين صاحبة وربي كل ماقرب الوقت اخاف اكثر من العملية وان شالله ماتحتاجهاياارب
    صباح الخير كروشات ونفوسات والف مبروووك لكل اللي ولدوا عقبال الباقي يارب

    بقولكم اكشن ولادتي
    يوم الأربعاء الماضي صحيت الصباح على ألم في معدتي واحس كأن الدورة بتنزل علي كنت متعوده من قبل اذا بتنزل علي الدورة يجيني هاالألم طبعا مع طلوق مرره خفيفه وجلست على هالحال لين العصر قمت تروشت بالمويه الدافيه وركزتها على ظهري طلعت وكان ابو الشباب توه جاي من برا قلت له تعال ابغاك بسالفه بغرفه النوم 😁 خلصنا 🙈 وانسدحت شوي بعدين قمت اتروش بمويه دافيه وطولت شوي وركزتها على ظهري وبطني وكملت باقي اليوم عادي سويت العشاء بس عجزت أكل احس بغثيان مع ألم المعدة نام زوجي وعيالي وانا ماجاني النوم الساعه 1 نزل مني افرازات فيها خيوط دم خفيفه مره قلت بنفسي يمكن من الجماع ومالقيت لها بال رجعت احاول انام انسدحت شوي وحسيت اني ابي الحمام تكرمون مره ثانيه شفت نزل افرازات مرررره كثيره ومعها دم انهبلت وجتني ام الركب من الخوف 😦 دريت انها ولاده بس كان الطلق مره خفيف كأنه كهربا بالظهر وشوي الم بالبطن بس خفيف مرره رجعت للسرير احاول انام عشان يصير عندي طاقه للولاده عجزت واكثره خوف الألم جدا خفيف رحت وشربت كمون مع عود القسط وبديت امشي بالصاله واشيك على شنطتي وأغراض عيالي اذن الفجر وانا على هالحال الطلق خفيف ومايزيد صحى زوجي للصلاة وشافني على هالحال وانبسط اخيرا ولادة وانا ودي امسكه واصفقه موقتك 😖 رحت اتوضى لقيت الافرازات نفس الشي تنزل ثقيله مع دم توضيت وصليت ورحت انسدح هونت ماابي اولد 😥 كنت منسدحه واقرا الأذكار وورد الولادة فجأة طق شي قوي من تحت واقوم بسرعه صارت مويه الراس تنزل ومعها دم كثيييير انا هنا خلاص انهبلت وبديت اسمي على نفسي واقوم اتنظف واغير ملابسي وبدا الطلق يقوى معي واقوم الشغاله واقولها اني بروح للمستشفى ولاتصحي العيال للمدرسه خليهم ينامون كانت الساعه تقريبا 6 وشوي طلعت من البيت وانا بس ادعي واستغفر والطلق بدا يزيد اكثر واكثر دخلت المستشفى الساعه 7 وحطولي جهاز التخطيط ياكرهي له 😩 وكشفت علي الدكتوره قالت مفتوح 6 سانتي والطلق شغال مرررره زاد علي والمويه تصب غرقت ملابسي وعبايتي ويرقوني غرفة الولادة واغير ملابسي ويحطون جهاز التخطيط 😪 واطلب منهم ابره العضل والكمام وارتحت شوي من الألم جت الدكتوره وكشفت قالت 7 سانتي وانا كل شوي اسأل وين دكتورتي والا ترا بطلع يقولون شوي وتجي الساعه 9 وتكشف قالت خلاص 10 سانتي وقالوا لزوجي خلاص اطلع وتدخل دكتورتي الحمدلله وتقول ياالله اذا حسيتي بطلق ادفعي وكل ماجت طلقه ادفع وادفع وانهد حيلي من قل النوم والأكل عجزت مره قلت دكتوره خلاص تعبتتتت وسعي لي الله يرحم اهلك وتوسع ودفعتين والحمدلله طلعت جنينتي الساعه 10 وربع يوم الخميس والحمدلله على الخلاص والتيسير
    ولدت بمستشفى الحبيب القصيم عند الدكتوره ساجيلا طبعا كنت اراجع عندها ومكتوب في ملفي اني ابغها تولدني بصراحه الدكتورة رووعه نصيحه يابنات اللي بتولد بالحبيب تختار الدكتوره ساجيلا او الدكتوره عائشه
  2. ضمة ودااع
    صاحبة السمو . انتي اللي رحتي لاهلك عشان اختك والد وبتشوفين بنتها صح ؟  اتذكر كنتي تقولي الطريق بعيد للقصيم وبتقعدين عندهم . .شكلي مضيعه بينك وبين شموخ 😳😳
    ايوه انا صح بس رحت نص السادس وجلسة اسبوعين او ثلاث ورجعت تعرفين صعبه اطول اكثر يالله زوجي وافق اجلس هالمده لانه مايعرف احد هنا بجده



    امين يارب
  3. @kyot99

    البدور الحمدلله على سلامتك ،، يمه اكثر شي يخوفني المويا اذا نزلت ماقد جربتها انا ماتنزل هم ينزلونها لي ، بس حلو اكشنك ماشاءالله 
    الدكتوره ذي ساجيلل هي الي ولدتني في بنتي اظن باكستانيه ،
    انتي اخذتي ابرة ظهر ولالا؟؟ 
    بنات مين اخذت ابرة ظهر منكم ! 
  4. البدور

    الحمد لله على السلامه ومبروك ماجبتي


    ايوه ساجيلا مره حبوبه وتعامله جنان انا يوم بنتي عنده بس انا اضطريت للقيصري الحمد لله



    ودي اروح له هالمره بس زوجي مره مو راضي الله يسخر لي دكتوره او دكتور ممتاز يارب

تابعي تجارب أخرى من هذا القسم.