🌟🌟تجمع الرابطات ( ربط عنق الرحم) 🌹🌹السادس والثلاثون 36

حنونة
الف الف مبرووووك البيبي والحمد الله عالسلامة وعقبالكم يااارب يالرابطات تبشرونا بسلامتكم

هذا انا
المثبتات عن نفسي استمر عليها لاخر الثامن لاتوقفينها الا نهاية الثامن

حل السعد
استمري عالمثبتات و افضل لو تاخذي ابر تريح كثييير لو كان عندك تقلصات اما الباسكوبان لتقلصات المعدة مو الرحم مدري ليه الدكاترة يصرفونه للبعض انا اشوفه ماله داعي الا لو كان عندك مغص بالبطن اما تقلصات الرخم الباسكوبان مايعالجها
بالمستشفى يقدرو يعرفوا اذا معك تقلصات او لا يسوون لك تخطيط روحي وشوفي بس لاتخليهم يكشفون


كمكوم وام احمد وحشتوووووووني
الله يتمم لكم بخير ياااارب وتدخلون التاسع بالسلامة وتفرحون بشوفة عيالكم ياارب

انا غبت عنكم هالفترة لان مامعي نت والحين عندي بس سيي مررره وضعيف بس قلت لازم اطمن عليكم

انتظرووني مع اكشن الولادة 👍😍

لحظة حلم قلت له سوي تخطيط شوفي هل هو تقلصات قالت لسى صغير مايبين بجهاز الطلق لان البيبي بالشهر الخامس صغير
الطوارى عندنا ززفت ومدري لمين نروح لكن الله يلطف بنا ويتمم علينا

بالنسبه للمثبتات استخدم دافستون حبتين صباح وحبتين مساء وتحميلة سايكلوجيست صباح ومساء وابره مثبته قوتها 250 مره بالاسبوع 
والله ينفع بهن يارب

نجي للأكششششن
ببدأ من اول التاسع وفك الربط والولادة

الحمد الله دخلت التاسع وطبعا شعور جميييل لانك بانتظار لحظة حاسمة وتلتقي بطفلك اللي هو أجمل هدية من الله بعد هالتعب والصبر رحت موعدي وحدد لك الدكتور فك الربط في الاسبوع 36 طبعا انا حيت في بال احتمال اني افك الربط
و أولد مباشرة بعد فك الربط نفس ماصار لي بحملي السابق ،، ولكن فكيت الربط والحمد الله عدت على خير لان كنت خاااايفه جدا واحاتي اكيد تذكرون اني قلت لكم خوفي مدري ليش كان خوفي شديد وافكر في الفك اكثر من خوفي من الولادة بس الحمد الله مع شويه خوف وشويه قوة واصرار فكينا الربط بالسلامة وافتكينا من الثقل ولقو الرحم فاتح عندي 2 انا توقعت خلاص ولادة لكن خلوني عالتخطيط وماعندي طلق حامي فقالو لي روحي البيت وان جاك شي من بوادر الولادة تعالي رجعت وانا اقول اتوقع هاليومين اولد خلاص دامه فاتح معي بس زي ماشفتوا ماولدت الا اخر التاسع جربت التعب الحقيقي والثقل كله من جد التاسع عن كل الشهور وطبعا طول هالايام كان يجيني الم بس مو منتظم ومحتمل عادي فماكنت ناوية اروح الا لو عندي الم منتظم او نزلت الموية ولكن مافي شي من هذا كله رحت موعدي وسويت سونار اتطمن عالبيبي الوزن زاد قليييل مررة عن اخر مرة اللي كانت قبل ثلاث اسابيع واللي اعرفه ان البيبي يكبر بسررعه في الشهر التاسع وخفت ليه الولد ماكبر هل في مشكلة بس الدكتور طمني انه اهم شي زاد وان شاء الله مافي خوف وقالي تعالي الموعد الجاي ونشوف الوضع ويمكن نعطيك طلق صناعي
رجعت البيت وانا افكر وخاااايفه من سالفة الطلق الصناعي انا جربته قبل بس كان عندي طلق والرحم فاتح وكنت خايفة هالمرة ان يكون الرحم قفل و ماعندي طلق حامي بس المفاجاة الحلوة أن اليوم اللي قبل موعدي جاني الم قوي شوي وتوقعته بيزيد اكثر بس مازاد وظل نفس ماهو يروح ويجي جلست اراقب الوضع وانتظر اللحظات و جاء وقت الموعد و رحت و كشفوا علي كان فاتح 4 قالو خلاص ولادة و جهزوا الطلق الصناعي وحطوه لي و بدأت الالام تزيد وفكو كيس الموية وانا رغم الالم والتعب الا اني كنت حاطة قدامي طاقة اجابية وكل ماتعبت وتالمت اقول الحمد الله بعده في شي جميل بس يارب صبرني على هالالم وبين دموع و صرخات و عيون تترقب جت لحظة الدفع و تعبت فيها شوي و صرت ادفع مع كل طلقه وادفع وادفه واخييييييرا طلع الولد بالسلامة واختلطت دموع الالم مع دموع الفرح وابتسامة الحمد الله على هالنعمة وبعد الصبر والتعب تلقين اجمل هدية تنتظرك
يااارب يقر عين كل حامل ويفرحها بشوفة البيبي و يرزق كل من يتمنى

وتقريبا هذي نهاية رحلتي في هذا الحمل الحمد الله من قبل ومن بعد على كل شي

وان شاء الله نلتقي فيكم بعد كم سنة اذا ربي سهل وفكرت اجيب نونو جديد ههههههه ادعوا لي الله يعطيني وقت مااتمنى مو الحين ابي ارتاح حاليا 😍

وعقبالكم يااارب كروشات تقومون بالسلامة وتفرحونا معاكم

لحظه حلم
كيفك وكيف الولد الجديد وانتي وحشتينا كتير
الله يرزقك باللي بتتمنيه يارب ويرزق كل محروم من الخلفه ويرزقنا

حل السعد
انا كنت اكثر الاحيان احس بهالالم بس بالاخير كل وحده فينا بتختلف عن التانيه ومادام ماعبينزل دم ولا مي ولاشي ثاني اطمني وخصوصا الالم خفيف
والحمدلله البيبي بخير وتطمنتي عليه
الله لايضيعلك تعب يارب

كمكوم
كيفك وشو اخبارك انتي والبيبي اكيد بتكوني عبتتعبي كتير بالشهر الثامن والله انه كله تعب 

انا عندي موعد بعد اسبوع رح قدم ع اوراق العمليه للتأمين وحدد موعد للعمليه وبكون دخلت التاسع 
الله ييسر يارب