عرض علي وظيفة كول سنتر في شركه بس عندي عراقيل

صباح الخير انا متخرجه من الجامعه من زمان ومعي دبلوم ودورات ومع ذالك ماحصلت وظيفه معني اركض بس بدون فائده الحين اتصلو علي شركه استقدام عرضو علي وظيفة كول سنتر من الساعه ثمان الى خمس وقالت لي المسئوله انه التوظيف فوري على طول بعد المقابله تباشرين من اليوم التالي انا احس متردده ودي اتوظف لاني مليت من الجلسه بس كول سنتر احس الاهل شبه معارضين حتى قالت لي المسئوله انه الشركه صحيح مش مختلطه بس تراك بتكلمين رجال احس اهلي بيعارضون ايضا عندي مشكله في المواصلات احس اني مره محتاره احس مره مقهوره

5 تعليق 2,090 مشاهدة

شاركي في النقاش

سجلي الدخول لإضافة تعليق.

التعليقات

5
  1. @koka_kola_1

    حلوه الوظيفه تعبري فيها الى متلقين وظيفه حكوميه وش يعترضون اهلك عليه
  2. بنتي موظفة كول سنتر وكانت خايفة وقلقة
    من ناحية الرد على الرجال ولكن بعد صلاة الاستخارة
    اكثر من مرة ارتاحت نفسيتها وزال الخوف واصبحت
    ترد عليهم عادي الوضع واللي يقلل ادبه على الفور تصكر الخط في وجهه بطلب من المشرفة والادارة لانه المكالمة عليها رقابة .. والحمدلله والشكر ربي وفق بنتي
    على نيتها ..

    انتي اكثري من الاستخارة وادعي ربك
    انه يعينك على هالوظيفة وانه يغير رأي أهلك

    اهم شي ان الوحدة بعد الوظيفة تراقب ربها و
    تبعد كل البعد عن تجميل صوتها وتنعيمه
    او التغنج والدلع لانه راح يكون عملها حراااااااام
    ومايرضي رب العالمين ولاراح يوفقها علئ هالتصرف ..

    والله يستر عليك وعلى بناتنا وجميع المسلمين

    موفقة ان شاءالله ..
  3. الوظيفة جيدة افضل من العطالة
    اذا ماعندك مشكلة بساعات الدوام تقريبا 9 ساعات عمل و1 راحة المفروض 8 ساعات عمل و1 راحة
    الاجازة يوم ولا يومين؟ اذا يومين اجازة اشوفه مقبولة 9ساعات
    ممكناذا راتب اذا حول 5 الالف و اجازة يوم
    اما لو 3 الراتب واجازة يوم وساعات العمل 9 هذا استغلال ونصب

    لازم تشوفين شروط العقد

    وين المشكلة اذا تردين على الرجال اذا على الاهل لاتسمحين لاحد يتدخل اهم شي انتي متقبلة وعادي عندك خلك مصممة على رايك ولا تستسلمين

    المهم شوفي شروط العقد تناسبك او لا
  4. اختي استخيري وقرري انصحك لو راتبها زين تتوكلين على الله وتقبلين

    واذا ماتبينها حوليها علي انا بحاجتها ههههههه

    بجد اكلمك ماتبينها ورافضتها ارسلي اسم الشركه علي ورقمها والله بيوفقك وبيرزقك احسن منها

تابعي تجارب أخرى من هذا القسم.