الحقووووني طلع متزوج وحاسه نفسي بموووت من الصدمه

استهدي بالله
تاكدي ممكن يكذب عليك ويستمر في كذبه او يقلبه حقيقه
ممكن بيشوف رده فعلك لو كان صدق
ازعلي عليييه وسوي نفسك بتروحين لهلك كذبه يمكن لاشافك تلمين عفشك يخاف ويعلمك بالصدق
وحاله لو انه صدق اقول الله يربط على قلبك
وهذي حياتك مانعرف عنك وعنه ادق تفاصيل حياتك انتي ادري لو انه انسان قادر على العدل ويمسك بيتين ويربي عياله زين مالك الا التضحيه في سبيل عيالك ...اهم شي فكري بعيالك ودايما خليهم ببالك وكرمال عيونهم بيهون كل شي الله معك مابيضيعك

تاكدي اذا فعلا متزوج او يلعب يذيله واذا عندك عيال امسكي بيتك ولا تخربين حياتك وتنكدين على نفسك وعليهم خذي منه رضوه تهد حيله وعيشي حياتك لو تطلقتي مابتاخذين الا متزوج مطلق مرمل وعياله معاه ومشاكل مالها اول ولا تالي

الله يبرد على قلبك ويربط عليه حبيبتي ولا تستعجلين ابداً في اي تصرف نهائياً اللحين وانتي مصدومه
حاولي تتجنبينه لغاية ماتهدين

حرام يابنات وش استفدتو هججتم الحرمه والخين كل زحده فيكم متشبطه بزوجها بينينها ورجولها
لو نقول خاين ولا متعاطي ولا يضربها ولا مايصلي اكيد الطلاق اريح لها
لكن عشان تزوج وبالحلال نحشتوها وقلتي اطلبي الطلاق ياويلكم من الله
الان هي بحاله صدمه ويكفي ان زوجها طيب وحليو معاها وهالكلام هي قالت قالت زوجي انسان كويس وماشتكيت منه والزوجه الثانيه بيسكنها ببيت لحالها مو عندها يعني ليه تشيل هم وتحرق نفسها بالعكس الان بعد العشره دي كلها ترتاح يوم لاراح عند الثانيه ترتب بيتها علی راحتها تهتم بعيالها ماشاء الله 5 وتهتم بنفسها تغيير روتين هذا غير ماشاء الله بيجيب لها خادمه تريحها وسفريه يجبر خاطرها
هو ماغلط والي صار لها طبيعي تتأثر بس هي تحتاج طبطبه وتهدئه ماتنفرونها علی طول
انصحك ترجعين وتهدين وترتاحين ببيتك ومع عيالك
ولا تفكرين بزوجك كثير لو راح يومك فكري انه مداوم مو عند الثانيه
في طرق كثير تخليك تهدأين وتفكرين بءبتبإيجابيه اذكري الله وتعوذي من الشيطان وابي اشوف ردك علي

قبل اي شي وكل شي استهدي بالله وقومي صلي لك ركعتين في الليل وأدعي ربي يختار لك الخيره الطيبه وأقري قران شويه لحد ما تهدا نفسك

الموضوع صعب مفاجآه لك أكيد بتنصدمين شي طبيعي
بس هذا في البدايه لان دوبك عرفتي
الحين ما تقدرين تاخذين قرار أبدا أبدا وأي قرار في وضعك الحين بيكون خطا
الأمور هذي يبغالها هداوه
والحقيقة يا أختي زوجك ما غلط ولا كفر هو سوى شي حلال وأكيد كان مخبئ عليك عشان لا يزعلك
كثير أزواج يتزوج بالسر لأي سبب كان ويخبي مراعاه لمشاعر زوجته وحبه لها
وأكيد زوجك من النوع هذا والدليل انه بيسفرك وجاب لك خدامه يحاول يكون مو مقصر ويبغى يرضيك
لو انه ما يهتم لامرك كان جابها على رأسك وحطك امام الامر الواقع
نصيحتي لك الحين مو وقت اتخاذ قرارات لو عيالك صغار او ما تقدرين تتحملين روحي لأهلك فتره لين تهدين وبعدها لك حادث حديث