الولاده الطبيعيه وضحولي اكثر

لازم يفتح الرحم 10 سم حتى تولدي طبيعي وفوق 10 سم يوسعوا للبكرية كمان

اما بالنسبة للجرح حيعطوكي المستشفى علاجات مرهم ياميبو او فيوسدين وتمشي عليهاللجرح

وبرضو يعطوكي غسول ومعقم
اما نظافة الرحم عليكي بالاكل الصحي وشرب قرفه وزنجبيل والاشياء الدافية

لازم التوسعه والخياطة
وعليك بالخوا جوا والزيت زيتون والمرة تطبخ وتدهنين الجرح ربي يسهل

ايه حبيبتي لازم خياطه وماتشيلي همها يعطوكي مطهر وكريمات تساعد على التام الجرح 

شوفي اختي بأقول لك من تجربتي , هو حسب نظام المستشفى وحالة المريضه .

انا لما ولدت صبرت علي القابلة ورفضت توسع من نفسها , لكن صار تمزق بسبب خروج رأس الجنين مع ان بنتي صغيرة مره .

فالتوسيع فيك فيك سواء بالمشرط او بخروج الرأس .. وخيطتني غرزتين او ثلاث مو متذكره .. ويفضل يكون بالمشرط شق بسيط على جنب عشان مايصير التمزق من كل جهه وهنا المشكلة في الدكتورة او القابله اللي تسوي الشق , بعضهم تشق اكثر من اللازم وبعضهم تشق على تحت من جهة الفرج واثنينهم متعبه جدا .

لكن بالولاده الثانية المنطقه متوسعه اكثر من الولادة السابقه , خصوصا اني حملت الثنين ورا بعض .. والحمدلله ما احتجت توسيع لكن فيه تمزقات بسيطه وتشالت لوحدها بدون خياطه .

عموما لاتفكري بالموضوع هذا الحين .. اولدي بالسلامه وراح تنسي موضوع الشق وتتساهليه . :D

وبرضو يعتمد على عنايتك بالجرح خصوصا انه بمنطقه دايم رطبه ودم ويجيه شد من الحركه .

فنصيحتي من مجربه وقارئه بهالقسم انتبهي من الغسولات بأنواعها قبل ماتطيح الغرز بشكل تام ويلتأم الجرح تماما .. خليك على كريم طبي ميبو او ابو اسد ,, او اي مطهرات خاصه لهالجروح .. بعدها سوي اللي ترتاحي له ومتعوده عليه .
واذا شفتي الدم خفت كميته او صار قليل وتقدري تجلسي لفترة بدون فوطه حاولي تهوي المنطقه قد ماتقدري حتى يجف الجرح تماما وبشكل افضل .

الله يسهل عليك ويقومك بالسلامه .

مشكوراااات حبيباتي جعل ربي يسهل عليكم ويوفقكم ويرزقكم ويريحكم زي ما ريحتوني