محتاره زوجي طردني

داممك تتواصلي معه قولي له يجيب كبار عاىلتهم ابوه وعمه وخاله ويجمع له كم شايب من أهله والي ابوك يسمع لهم ويجي عند ابوك ويعتذر ويطلب يرجعك ..... اما انتي تبين ترجعين مو خايفه يرميك مره ثانيه ...... انا وطليقي نفس حالتك اذا اجتمعنا فينا نفور وإذا تفرقنا يبدأ العشق والمكالمات والرسائل .... بس عادي تفاهمنا وتطلقنااااا وهو رجعني ببيت اهلي بكل هدو..... العين والحسد تفرق عن العصبي الي يرمي عرضه بالشارع .... فكري الف مرررررره وإذا عندهم بيت ملك خليه يكتب جزء منه باسمك ... مو كل ماجته أعراض الحسد شالك ورماك .... 

مو بالضروري يكون عين أو حسد..أنا عن نفسي أحس بنفس الحاله الي تقوليها أذا طلعت من بيتي ارتاح واشتاق لزوجي كثير واذا هو معاي وببيتنا احس اني على نار ابي اطلع..عمري مافسرتها عين
بس هذا مايمنع انك تلجأي لكل الطرق اطلبي منه يتعالج بهالفتره
وانتي بعد اذا تقدري تحصني نفسك وترقيها من غير شيخ ..
ومن ناحية أبوك بعذره ومع الوقت بيهدأ بس تراها مو سهله يتخيل رميتك بالشارع ولاهنتي عليه

الله يفرج همكم أنصحك اختي الزمي سوره البقره كل يوم اقرءيها
وارقي نفسك وخلي زوجك يرقي نفسه أو روحو لراقي
مشاكلكم تافهه ماتستدعي لطلاق محد يتحمل الثاني معناته شي مو طبيعي

يالبى قلب ابوك اللي عزك ورفع قدرك وخلى لك كرامه عمر الأب مايتمنى الطلاق لبنته بس قلبه انحرق عليك رباك و و و وبعدها يجي زوجك يطلعك ويقفل الباب  احمدي ربك ان عندك من يخاف عليك وصدقيني ابوك كل شي شين جا في باله وانتي عند المسجد لو انخطفتي او صار عليك شي هو اللي بينحرق قلبه عليك مثل ماقلبك محروق على بنتك وهي قدامك عاد كيف لأقدر الله وهو مايدري عنك. إنتي اصبري وأكثري من الاستغفار وادعي رب العالمين يكتب لك الخير والله يهدي البال ويريح قلبك وقلب ابوك 

والله فيه شي مخفي في حياتك وش الي غيركم فجاه زوجك طبيعي متاكده مو متعاطي كيف يرميك في الشارع الا انه مو في عقله او مريض نفسي
الله يسخره لك اذا كان طبيعي لكن راجعي وضعكم ابدا ماتوصل يطردك من البيت