ممكن تعطوني رايكم بسرير بنتي

وعليكم السلام ورحمة الله وبركاته .

لعمر سنتين احس لسى بدري عليها حتى لو كان قريب من الارض .. ممكن تتعثر وهي نص نايمه وتبي تطلع وتطيح منه لاسمح الله خصوصا لو الطفل مستعجل في الخروج .. ممكن لثلاث اواربع سنوات افضل .

اسألي البائع هو مخصص لعمر كم ويفيدك ان شاء الله .

انا عندي سرير شريته لبنتي من سنتربوينت كان ب 800 وزياده اخذته وقت التخفيضات ب 400 وشوي مذكر بالضبط , لكن هو مرتفع وحواجزه مرتفعه واقدر انزله متى مابغيت اطلعها .. وهو يجي 3 ادوار الدور المرتفع للرضع والثاني للي بس يجلس والثالث للي بادي يتمسك ويوقف . وعمر بنتي حاليا اقل من السنتين بقليل وهو ينفع حتى عمر 5 سنوات .

وفيه حواجز جانبيه مثل المفرش ضروري تعلقيها لو صار الطفل بنومه يتحرك كثير فوق 6 شهور لأن رجليه تدخل بين الحواجز ويقوم خايف من نومه لكن مايأذيه ان شاء الله .

شوفي شكله بالمرفقات .. ولو اعجبك اللي انتي اخترتيه وحاسه انه مناسب لبنتك فبراحتك .

موفقه .

حسيته حلو ادا بنتك تفهم الطيحه وانها ممكن تتعور
افكر اجيب زيه لولدي
عنده سرير من سنت بوينت برضوا بس احس كبر عليه رغم انه لعمر 5 سنين
بس احسه ضيق ويكتم
هدا اللي حاطته انتي مرة جميل بس م قد حصلته عندهم
اقدر اعرف سعره .؟
والحواجز ثابته ع طول والا ممكن اشيلها

ضوء حلم شاكره لك انك اعطيتيني رايك :) انا عندي زي هذا السرير الي عندك بس صعب هي تطلع منه حواجزه مرتفعه

حبيت شي تطلع منه بسهوله وبحط فراش تحت سريره بالبدايه عشان لو طاحت منه وهي تطلع وان شاء الله تتعود وهو مره قريب من الارض

وش اسوي هذا الي لقيته بالاسواق ييجي حواجز قصيره لنص السرير والباقي مفتوح هذا الوحيد الي احس اكثر شي امان لها بعد حفظ الله :)

كتوكته هذا بسنتر بوينت بيبي شوب الي جنب سوق غرناطه الي بالرياض وسعره مخفض عليه كان 499 صار 399 وقالنا واحد من الحواجز ينشال لو بغيتو

خلاص توكلي على الله وخذيه خصوصا انك مجربه اللي عندي .

للأمانه انا عجبني كثير لكن اخاف على المتهورين اللي عندي . :D

اشتريه قبل لاتروح التخفيضات والله يبارك لكم فيه . :)

جمييييل جدا ماشاءالله