،؛، فتاة حاسوبية ،؛،
تسلمين حبيبتي على الرد الحلو وعيبني التشبيه بحبتين الحلاوة...فعلا على قولة الشاعر ناصر القحطاني ..
يا زمن وش جاب حلوى غلفوها بالعبات..جنب حلوى للمشاة وللغبار وللشتات
شف بدل ما هي لواحد صارت لجمعٍ لفيف ..كيف أنا اخبرك كيف
شوفها فوق الرصيف
فعلا أختي الحرب على المسلمين مب بس حرب بالقنابل بل تعدت القنابل وصارت حرب فكرية وثقافية بعد
تسلمين مرة ثانيى على المرور وأكيد أنا لي الشرف أكثر بانج تكونين اول من يرد علي
،؛، قمر الزمن ،؛،
أنا معاج أختي في كل كلمة قلتيها وحلاة البنت بالشي الرقيق مثلها والسوق فعلا مايصير نلبسله مثل هالاشياء بس شو تسوين في التخلف؟؟؟
تسلمين على المرور عزيزتي
،؛، طفرانوووه ،؛،
صدقج والله يالغلا ... المشكلة ان بعض البنات يتحسبن ان الشباب تعيبهم هالاشياء وما يدرون انهن مطنزة عافانا الله
تسلمين حبوبة على المرور
،؛، طباخة نمبر ـــــ 1 ،؛،
رايج على العين والراس اختي وأكيد في مثل هالموضوع بنلقى المؤيد والرافض وأنا بصراحة احترمت رغبتج في مثل هالموديل وانج بس فصلتيها للكلية واحترمت رايج أكثر يوم قلتيلي انها واسعة
تسلمين على المرور يالغالية
،؛، دلع باريس ،؛،
الكشخة في حد ذاتها يا أختي مب حرام سواء للمحجبات أو لغير المحجبات ( ان الله جميل يحب الجمال) والعين تحب تشوف الشي المرتب والحلو دايما...العيب والحرام ان نحن نستخدم كشختنا في لفت النظر خصوصا لفت نظر الجنس الآخر ( الرياييل) يعني مثل هالاشياء ما يصير نلبسها في سوق وغيره وغيره عسب نلفت نظر الرياييل ... رايج أحترمه وأقدره أشد التقدير .. وضحكتيني واايد يوم قلتيلي ان اختج الصغيرة تلبس هالعباة ..أتخيل شكلها بيكون كيوووووووت فديتها
تسلمين على الرد حبيبتي
،؛، عباة الفراشة ،؛،
متابعة النقاش، صفحة 2