حفاظات الأطفال .. والتسريب !


السلام عليكم

انا عضوة جديده ^_^
قرات الكثير من المواضيع بالمنتدى عن الحفاض لكن كلها قديمه
حتى اني وجدت فرق بين وصفكم لبعض النوعيات بغلافها نايلوني وبين لما شفتها بالسوق


فقلت افتح موضوع جديد لان اغلب الحفاظات تتجدد باستمرار
فناخذ منكم آخر التجارب :laugh2:


طفلتي عمرها سنتين
من الولادة استخدم بيبي جوي وماغيرته ولا يووم
وممتاز جدا

لكن صار لها كم اسبوع
تسرب باستمرار !
بالنهار احيانا خلال ساعتين او ثلاث يطلع البول للملابس!
وبالليل تغرق الملابس !

مقاسها 5
قلت يمكن صغر بالخصر خصوصا
وهي صارت تتحرك اكثر وتركض وتلعب يتعب الحفاظ
خذت 6 كبير جدا جدا ماينفع اجربه البسها

وراسلت الشركه اذا يسوون لنا 5+ مثل حركة +4
ولكن لايوجد جواب للحين

فرفرت هنا وهناك
شريت هجيز .. طلع يتنفس غلافه مو محكم مثل بيبي جوي
جربت كبيت فيه ماي وحطيته على طاوله خشب فترة
رفعتها بقعه رطوبه بخار تحتها ..

فخليت الكيس على جنب وماعاد اجربه خلاص
وقريت ان بامبرز وموني نفس مشكلة التبخير والتنفس فماراح اجربها

نصحوني بــ

بامبي سانيتا
فاين بيبي - الابيض - عناية مميزة
evy baby


فايش رايكم بهم ؟؟


بامبي شريت كيس صغير
بس كتصميم احس بيبي جوي مرن أكثر لانه فيه مطاط بالظهر ومطاط اللزقات
اما بامبي جامد واقف مايتمطط
ولو انه ماسرب معي ! بس احس تصميم بيبي جوي افضل

وفاين بيبي الابيض وايفي بيبي ماني لاقيتهم ؟

من جربهم ؟
ووين ممكن القاهم ؟؟

انا بالسعودية

وبنتي سنتين وشوي يعني تتحرك وتركض باستمرار

وخلال اليوم اغير لها كل 3 ساعات
وبالليل 12 ساعه


انتظركم :)




36 تعليق 9,284 مشاهدة

شاركي في النقاش

سجلي الدخول لإضافة تعليق.

التعليقات

35
  1. @skr222

    علميها على الحمام وارتاحي انا نفس الوضع وشكلي بعلم ولدي الحمام وارتاح
  2. مرتاحه مع بيبي جوي حاليا , بس صراحه بنتي توها مكملة سنتين الاحظ احيانا تسرب


    انا قبل بامبرز استخدم لها بس صارت تسرب , وبعدها ارتحت على بيبي جوي مريحه للبيبي وماتسرب
  3. @mari_obs

    استخدمت بيبي جوي وتسرب بالذات وقت النوم يصحى وهو كله بلل
    استخدمت بامبي ومو مريحه بامبرز الافضل لحد الان ولدي عمره 9 شهور

    عودي بنتك عالحمام او خذي لها كلوت قماش من جوا ومن برا نايلون تلقبنها بسنتر بيونت طبعا بالتدريج استخدميه لها يعني خليها تلبسه 10 دقايق وزودي الغتره لحد ماتتعود عليه وماتفصخه وخليه بعد ماتتاكدين انها برزت عشان ماتتعبين معها
  4. @hmam_alkhrg

     بيبي جوووي ونتي مغمضة 

    اقطعي عنها السؤال وكثري الاكل لها ...

    وقبل تنام غيري الحفاضة ...

    ولاتلبسينها شي ضيق وسعي اللبس .

تابعي تجارب أخرى من هذا القسم.