مرهقه ومحتاره من ذا الشي ومحتاره في تركه تعالو:(

شوفي حبيبتي لو تجين لاي موظفه مستحيل تلقينها مرتاحه بوظيفتها .. لا موظفه البنك ولا المعلمه ولا الاداريه ولا اي جهه طبيعي مايجي الوظيفه على راحتك ووقتك الا لو كان انتي عندك مشروع خاص وانتي مديرته ..

لو تشوفين هالوقت الي تقضينه بالدوام نفسه البيت كان شفتي انه تقضينه بدون فايده .. يعني تطلعين تنامين سوق الخ وبعدين ؟ ع الاقل الوظيفه تعطيك راتب بدال التعب

شوفي حبيبتي انتي لان الوضع جديد عليك ف تشوفين نفسك مشتته .. جيبي معك قرآن واقري واحفظي سور خلي عالاقل وقتك يشهد لك بالاجر , اذا ماتبين احد يشوفك حملي القرآن بجوالك

جيبي لاب توبك واستفيدي من اذا عندك مواهب او منتديات او تعلمي اي فن انتي تحبينه .. جيبي لك كتاب واقريهم
وبالعكس انا من رأيي خليك الموظفه الذكيه الي ماتبين مشاعرها لاحد سواء تنرفزتي من الي معك او من المديره خليك شي غامض الي مايدرون وش نقاط ضعفك او قوتك

حاولي تكثرين من الادعيه والاستغفار لأن سبحان الله الاستغفار يغير لك الاشخاص فوق تحت يعني ماتدرين بقدره ربي يمكن المديره بنفسها تطلعك بدري

لا تبينين انك منقهره من المديره ولا تعطين كل حيلك في الشغل عشان مايدوسون عليك لأن الي يكون له ذمه في الشغل يستهلكونه بشكل مبالغ وبعدها اذا قلتي لا يقلبون عليك .. يعني حاولي تعطين افكار كل فتره بحيث تطبيقها يكون جماعي يعني مو بس انتي الي تقومين فيه لأن المصلحه تعم للجميع

ادخلي دورات اون لاين اذا حبيتي او تعلمي لغه او قضي وقتك بأي شي يفيدك ولاتنسين الاستغفااااااار لانه سحر عجيييييب بشكل ماتتخيلينه .. بس اهم شي استغفري بدون محد يدري انك تستغفرين

يعني لايكون خاتم الاستغفار حقك باين للناس او حملي سبحه الاستغفار بالجوال او لو تستغفرين شفهي

وادخلي جمعيات استثمري فيها راتبك مثلا جمعيات مع خواتك او اي احد ثقه , يعني استثمري فلوسك عشان تشوفين ان تعبك له قيمه مع الوقت

وان شاءالله اكون ساعدتك ياغاليه وربي يسهلك الدوام ويسخرلك المديره

1- ما صار لك إلا أسبوع توك جديدة في المكان وتطلعين بدون استئذان شي طبيعي بتطلب منك راعية المحل الالتزام بنظامها.
2- توظفتي وانتي عارفة هالنظام؟ ووقعتي على عقد مكتوب فيه والا لا؟
3- راتبك ما يناسب عدد ساعات العمل.


الحل : إما إنك تضغطين على نفسك وتصبرين ويكون هدفك كسب ثقة راعية المحل..
ولما تشوف إنك تجيبين لها زباين راح تتساعد معاك إن شا الله.
الموضوع يبي له صبر وتخطيط مو كل شي تتمنينه تحصلينه ببسهولة وسرعة.


أو تتركين الشغلة لو صبرك قصير وتدورين غيرها.

لو انا مكان مديرتك والله ما خليتك ولا يوم

اتركي وخليهم يوظفوا وحدة احسن منك تحترم العمل وتاخذه بجدية


يعني تطلعي من بدري بدون استئذان وكمان من أول أسبوع ؟ لا ومنزلة موضوع تشتكي !!!!


اللي تسويه عيب احترمي عملك ودامك محتاجة الفرصة هذي احمدي ربك وقدري النعمة واشتغلي زي الناس لا تتركي لأحد عليك ممسك


وكمان جالسة تحددي لهم ساعات العمل كأن على راسك ريشة

صدقيني انتي مو جدية وفيه بنات اولى منك بكثيييير

صراحة ماحد يلوم صاحبة العمل مالك الا أسبوع ومبزوطة اجل بعد شهر وش بتسوين

انتي كتبتي عقد معها عن ساعات العمل لازم تلتزمين فيها اذا مانتي قادرة انسحبي من العمل ماحد جابرك

مدري وش اللي حادنا على الكرف والهم وتجيك الوحدة تقول محتاجة الراتب ولو فتشتي ورآها تلقين كل الراتب قاعد يروح على المواصلات والشغالة ولبس الدوام يعني لا استفدنا لا ماديا ولا معنويا مو الجميع طبعا بس الكثير

بينكم عقد عمل و ينص على أنك تعملي بعدد الساعات هذي
و ما لك حق تنقصيها أو حتى تطلبي تنقصيها بعد العقد
كلام المشرفه عليك صحيح أنو حالك حال كل العماله اللي بتشتغل
إذا مو قادره على الساعات هذي و النظام هذا بطلي الشغل
و ريحي رأسك
و إذا محتاجته لازم تصبري و تلتزمي بالإتفاق اللي بينكم
و لا تنسي هذا عمل يعني أمانه و تأخذي أجرك عليه لذلك أدي الأمانه اللي عليك
حتى يكون رزقك حلال طيب مبارك