ساعدوني محتاره

خذي وقتك يا بنتي معه ولا تستعجلي بامور الزواج وغيره
ليه ما تخبريه عن مافي نقسك وعن مخاوفك وعن طبيعة أسلوبه وعصبيته وأنك خايفه يكون مصيرك مصير الاخريات
ليه ماتكون معه جلسة مصارحة تكون النقط على الحروف .
ومنها تقدري تحددي موقفك مضبوط معه هذا إذا فعلا محتارة بأمرك ولا قادرة تتركيه مافي غير المواجهة
وخليه يأخذ فكرة عنك انو الامور المهمة ما تتأجل أو يأخذك بصراخ والعصبية حتى تسكتي وتمشي امورك
لا... خليه يفهم طبيعتك أنك إنسانه محاوره من أولها وانو مسألة التأجيل هذي مرفوضة خبريه كل مافي نفسك
و اتركي لك أسس ثابته يعرفها عنك من أولها
لا تكون فترة الخطوبه والملكة مقتصره على المجاملة وكلام الحب والغرام وغيره
لابد يكون فيها اساسيات تحترم بين الطرفين أنتي أخذتي عنه فكره انو عصبي طب هو أخذ عنك اي فكره
أنك مطيعة وكل حاجة حاضر؟؟
طبعا هذي غلط .....
خليه يرسم صورة متكاملة عنك من أولها .
الله يوفقك ويكتب لك الخير وين ماكان .

ربي يسعدكم كلكم . ام منال جلست معاه وتكلمنا عنده قوه مو طبيعيه دايم يقولي اذا اخذتك بتزوج مسيار عليك ب الله في احد يخطب ويقول كذا واحيانا يقول خلاص انا ابي استقر وابي الم عيالي . طبعا تفاجات انو يسافر المغرب ويعشقها وتفاجات انه ياخد حشيش واساله يقول عل خفيف اخد احيانا اشوفو طيب واحيانا عصبي وماطيقو ويتهمني كثير اخرها انو اكلم غيره وانو اروح عند اختي المتزوجه عشان عندي مصيبه هناك . كلام وافلام مدري كيف يجيبها احس خلاص تعبت والله ظلمني بكل شي احاول ارضيه بس لسانه وتصرفاته مررررره لا . يسب ويهين ويقلل من قدر الحرمه . عندو عقده من الحريم لاحظت الشي ذا .

اختي انتي تتكلمي عن جد ؟؟؟
يعني معليش كل هذا الصفات فيه ولازلت متمسكه..فيه لهذا الدرجه هانت عليك نفسك..
يعني معقوله تربطين مصيرك بمصير واحد زي كذا
لا اله الا الله ....انتي كبيرة وواعيه وعارفه
مصيرك مع واحد بهذا الصفات....الله معك ياقلبي..

ربي يسعدكم كلكم يارب

المشكلة مطلق اربع وجايب منهم عيال يعني حتى عياله مافكر فيهم
ولو الطلاق بطلب الحريم فمعناته ما ينصبر عليه طلبوا الطلاق وهم جايبين منه عيال
لا وزيادة على كل ذا عصبي ونكدي والادهى والامر راعي علاقات يعني لا خلق ولا دين يردعه من الحرام وتقولين احبه وش هالعقلية معليش فرملي وفكري بعقل