بنتي تكسر خاطري مدري اي لعبه تناسب عمرها

ابدي جيبي لها دفتر تلوين والوان سميمة تلون تحت اشرافك
الحين الجو حلو اذا عندك سطح او حوش او ممكن بالحمام تعبين سطل موية تجلس وتلعب فيه زي البركة الصغيرة وطبعا في وجودك

وديها البر او البحر تلعب بالرمل

البنات يحبون العروسة ولها بطانية وحليب ومجصاصة

في العاب للبنات خاصة بالمنزل مثل ادوات تنظيف او ادوات طبخ او كوي

ممكن تاخذين لها نطيطة تفرغ طاقتها

الاطفال يحبون الكورة ويحبون البالونات انفخي لها بلونة تلعب فيها

الاطفال بلا استثناء يحبون فقاقيع الصابون انتي انفخي الفقاقيع وهي تلحقهم

وربي يخليها لك

الله يجزاكم خير ويسعدكم
مره اعطيتها قلم قامت تشخبط ع الجدار 
مافي الوان خاصه لهالمرحله ؟ 
وبجرب افكاركم ماقصرتوا 

اذا ماعندها اخوان توكلي على الله واحملي جيبي لها طفل ثاني يسليها صحيح بتغار بس مع الايام تلعب معه لانها كبرت الله يحفظها

حبيبتي افضل شي انك تشاركيها في العابها

يعني حددي وقت في اليوم تحطي العابها وتلعبي معاها بكذا هي بتتسلى

واذا كنتي دايم حاطه الالعاب لها شي طبيعي راح تطفش وتمل منها لانه مافي شي جديد بوجهها كل يوم

انتي شيلي الالعاب عنها ومثلا لمن تصحى فطريها واعطيها لعبه وحده بس تتسلى فيها

وبعد العصر اعطيها سناك خفيف مع عصير وحطي جميع العابها قدامها بكذا راح تفرح بها وتلعب وانتي شاركيها

ومثلا لو رحتي السوق لا تحبسينها طول الوقت بالعربيه خليها تطلع تجري وتمشي وتلعب عشان لا رجعت البيت تكون فرغت طاقتها وغيرت جو

وحاولي كل يوم حطي لها لعبه وحده فقط
عشان ثاني يوم تغيريها لها وهي تحس بالتغير والتجديد

لاكن لو كل يوم الالعاب بوجهها ونفس الالعاب هي هي شي طبيعي بتمل وتطفش

ونصيييييييييحه ابعديها عن التلفزيون والايباد وهذه الامور يعني لا تعوديها عليها شايفه التوحد كيف منتشر الله يكفينا الشر

وبعدين لمن تروحي تشتري العاب لها بتلاقي مكون العمر على العبه يعني تناسب من كم لكم

الله يسعدكم ماقصرتوا وبجرب معها كل الطرق
وفعلا هي تبي اشياء جديده دايمااا