أختي مجنونة قطر
خليه على راحته فتره ترى محتاج فتره بروحه يتذكر رفيجه و يستوعب الموقف
أنا أذكر رفيجتي لما توفت كنت ما أبي حد يكلمني في أي موضوع ثاني و كنت أبيهم يخلوني بروحي شوي
مش نوعا من الجحود أو الأعتراض على حكم رب العالمين لكن أحس أني بهاذي الطريقه عطيتها حقها
في أني أذكرها و أزعل عليها.
لا تتوقعين أنه بيحب يسولف أو يضحك حاليا صدقيني في هاي السن الأمور صعبه عليه
أنه خلاص صديقه رااااح واااايد صعب صدقيني صديقتي متوفيه من أكثر من 10 سنين لكن لين الحين
لين أذكرها ما أقدر حتى اسولف أحس الغصه فيني لين الحين فما بالج و أخوج عمره 16 سنه تقريبا
ما أقصد من كلامي تبتعدين عنه لا لكن عطيه قرآن و خليه يقراه و إذا قدر يختمه في ثواب رفيجه
و بهاذي الطريقه يكون سوا له شي ينفعه .
و صدقيني بهاذي الطريقه شوي شوي إن شاء الله يرجع أخوج لكن عطو الموضوع وقته و لا تظغطون
عليه.
و الله يرحمه إن شاء الله و جميع موتى المسلمين و يلهم ذويهم الصبر
بنات قطر ( ( نحن لاندعي القمة . . بل نسعى للوصول إليها ) ) التجمع الجديد
متابعة النقاش، صفحة 238