شاركي في النقاش

سجلي الدخول لإضافة تعليق.

التعليقات

62
  1. اذا هو طيب ومحترم والكل يشهد له شي حلوووو بس بنفس الوقت لا تخسرين نفسك وحياتك ماتدرين هل هو جاد او اعتمادي او لكيع فانتي وافقي واشرطي عليهم ماتتم الملكه الا بعد الوظيفه واذا اصرووو علي الملكه برضو قولي ان شاء الله وموافقه بس مافي دخله وزواج الا بعد الوظيفه وبكذا تضمنين نفسك اما تتزوجين وهو لسه ماتوظف ماانصحك ابد بتتبهذلين مره
  2. @saaodyh_thok_1

    ام لولي الحلوه
    وافقي على الخطوبه فقط واشرطي الزواج بعد الوظيفه غيرها لا
    واذا الاخ توظف بعد عشر سنين ؟

    يعني تجلس معلقة وتقطع نصيبها عشان حضرة جنابة يلاقي وظيفة ببلد الوظايف فيه بالقطارة ..

    بالذات اذا الزواج تقليدي م بينكم قصة حب يعني مثله مثل غيره ! اشوف التضحية غباء مع احترامي ..
  3. @sara_8

    على حسب بعض الاهالي مقتدرين عندهم سكن ويكون له مصروف شهري

    انا تزوجت زوجي كان عاطل صراحه انصدمت كثير حاجات ماتقدري توفريها واللرفاهيه والسفر انسي

    لاكن اذا كان طيب احس ماينرد حتى لو موظف
  4. ام ريناد ورهف
    وافقي الفلوس لاتجلب السعاده   والف مبروك. ً 
    احلفي اجل الفلوس ماتجيب السعادة
    اجل من وين تجي السعادة اذا ماوفرتي لنفسك اللي تبغيه
    والا على بالك الحب بيعيشها ويلبسها ويأكلها
    ياشين اللي يتفلسف وتلاقيها عايشة بعز
    ياحبيبتي اياك تتزوجي واحد مو متوظف والله لتعضي اصابع الندم
    حتى لو اهله مقتدرين يعني شو بيسووله
    تتوقعي بيمشوله راتب عدل لين مايتوظف
    مستحيل اذا كانو راهيين عطوه الفين والا ثلاثة
    هذي مع الغلا اللي احنا فيه شو تسوي
    ولا شي
    اذا خلصت الفلوس تتوقعي لو طلب منهم بيعطوه
    مو معطينه وبيشوفوكي انك تبعزقي فلوسهم
    ومو مقدرة وضع ولدهم
    هذا غير وراك خلفة وعيال ومصاريف تزيد كل يوم
    ولاتتأملي انه يتوظف
    لان اللي يبغى يشتغل بيلاقي شغل حتى لو بسيط
    واللي بعز شبابه ماتعب واتوظف كل مايكبر بيكسل زيادة وبيحب الراحة اكثر

تابعي تجارب أخرى من هذا القسم.