بسم الله بقولكم اكشني
تراه مايخوف عادي للبكريات هي شعور يستحق التجربة انا بكرية
المهم
بعد مانزلت علي موية بالظهر قلت اكلم زوجي اروح بالليل مع الموية قليلة لاتذكر بس خفت على جنيني
والحمدلله رحت مافيني طلق رحمي مفتوح 1 سم
كل شي تمام الا السكر طلع باخر تحليل عملته عندي سكر وانا مارحت راجعت بعدها مع انهم اعطوني موعد مع الاستشاري هذا كان خطا مني
شافتني الدكتورة قالت الجنين تعدى الثلاث كيلو
ومعاك سكر والمفروض تجين نولدك قبل اسبوع مرة متاخره ويمكن اليوم تولدي طبيعي او قيصري
مع الكشف جاني الطلق الساعة 6 الصباح وشد لين الظهر افتح 5 سم حولوني ولادة وفتحت مويه الجنين طلع الجنين متبرز جاني طلق يموووت كنت احسب اني بموت وجات عطتني ابره مسكنة الله يهديها نومتني ووقت الطلقة اقوم وكذا ساعتين حسيت الطلق ضعف مو شديد
جات الساعة 5 العصر والرحم مو راضي يفتح اكثر قالو طلق صناعي وعطوني فرصة ساعة لو فتح الرحم كان بها
اعوذ بالله منه يتعب ويطول وورا بعض اقدر اتحمله لو الرحم مفتوح بس ماانفتح 5 سم
مصوميني من 7 الصباح لان عندي احتمال عملية
حولني الاستشاري عملية ماشاء الله اخترت بنج نصفي لاني غبغه اسمع صوت النونو وحلو البنج النصفي ماحسيت بشي ولا حسيت اني بغرفة عمليات الكل يكلمني ويمزح
مع البنج راح الطلق الصناعي الله لايعيده
وسمعت صوت الجنين
والمهم بالموضوع انه بالنهاية ماطلع معاي سكر ولا شي كل شوي يحلللون حتى قبل الولادة مافي سكر
عقبالكم يارب اختصرت كثييييير بس لاتصارخون يابكريات لان الممرضات يعصبووون انا ماصرخت بس كان معاي بكريات يصرخوون
والله يقومكم بالسلامة جميعا
💜تباشيـر(3) لـ مـواليـد ( مايـو 🎀 يونيــو) 💜
متابعة النقاش، صفحة 246