تجمع السنعااااات المتميزات3

4 مايو 2015

تنظيفاتي العميقة علي اجازة نهاية الاسبوع كانت متعبة ...بس النتيجه مرضية و الحمدلله
أولا كنست الصالة بالماكينة بالخميس بالليل و بعدين كان يطلع نمل لأنه الصيف بدأ فطبيعي ينشط النمل... المهم مسحت سيراميك الصالة والممر بماي و خل ابيض... و خليته لليوم الثاني حتي يطلع مفعوله...اليوم الثاني اول ما صحيت مسحت الصالة بماي و ديتول .. و طبعا نظفت تحت الكنب و السجاد و رجعت كل شئ مكانه ... وارتحت من الصالة.

بالخميس بالليل قبل النوم كتبت جدول للتنظيفات اللي ابي اسويها صباح الجمعة و صحيت الساعة سبعة و بديت بالتنظيفات العميقة... و نفس الشيء مسحت الغرف الباقية بماي و خل لأنه عجبتني الطريقة و النتيجة... و الحمدلله ارتحت من النمل ...بس ضروري لازم كل يوم اكنس و انظف الغرف كل يومين حتى ما يرجع النمل... و بعد مسكت دولاب الاولاد و رتبته و مسحته من جوا و برا... و نفضت الفرش و طلع غبرة شنيعة من الفراش... فقررت اتخلص منهم لانه قدام اصلا.. بس عيالي كل واحد يحب فراشه كل ما أقولهم بغيره... فأقنعتهم انه لازم أغيرهم لانه الفرش القديم هو سبب الربو عندهم... و الحمدلله اقتنعوا... و بعدين العصر رحنا اشترينا سراير و فرش جديد ... واستانسوا عليهم كثير... حبايبي و الله عيالي.
و فيه أشياء كثير سويتها ... و في نفس الوقت فيه أشياء كثيرة ما لحقت أسويها.. . و الله يعين.

حبيت أشارككم شوي بتنظيفاتي حتي تتحمسوا مثل نا دايما تحمسوني يا حوائيات يا جميلات ... و سلامتكم... و الحين برقد وراي دوام ...منهد حيلي

التعليقات

تجمع السنعات حياكم

عندي ثلاجة شاي مشهبة وابي تلمع وتكون نظيفة

تجمع جديد (اهلا بالشتاء)

رمضان يا أحلى الشهور ---> تَجَمُّع ( وعلى الخير نلتقي)🌙

إلي جاي أفضل بإذن الله { تجمع }