التجمع الثالث عشر لااجمل امهات سبتمبر9واكتوبر10

صباح الخير 

بنات انا في الشهر السادس ومره يتحجر بطني وألم في الظهر ورحت لدكتوره قالت طبيعي بس بوقتها ماكان متحجر
ولمن اقرأ في النت يقولون اعراض ولاده مبكره وخفففت😭
مين قد صار لها مثلي وطلع طبيعي؟

الله يبارك بعمر كل اللي باركولي ويرزقكم الأطفال الصالحين المعافين ويبشرنا عن اللي لسى ماعرفوا نوع اجنتهم ويرزقهم اللي يتمنوه 
كب كيك نصيحه لا تجازفي وتستخدمي ادويه ممكن تضر الجنين وترى انا صار لي تماما زيك بيدي ورجلي واحك اللين يطلع الدم ومع التكرار صار لونهم اسود وتأثرت نفسيا خاصة انو دكتورتي قالت تحملي لأنو هذا من الحمل وقالت لي ما اقدر اعطيك ادويه لأنو انتي حامل وكمان قالت على طول بعد ماتولدي راح يختفي كل الحكة وانا ماصدقتها والله كنت استحي امد يدي لأحد كأنها محروقه وانا على سرير الولادة ماقدرت اسيطر على نفسي من قوة الحكه والله العظيم ولدت من هنا وماعاد فيه ولا حس للحكة لا وكمان ابشرك رجعت يدي ورجلي بعد فترة للونهم الطبيعي وراح شكلهم المحروق الحمدلله فاصبري والله يشفيك

سلام بنات كيفكم وش اخباركم
وحشتوووني
انا ليومكم ماني عارفه وش نوع جنيني
الله يجيبه بالسلامه
ودي بولد اخو لولدي
والحمدلله اللي يجي انا راضيه اهم شي الصحه
مداومه و ظهري تقطع من الشغل
وقلة النوم و الارهاق
ما ادري وش اسوي
زوجي رافض اجيب شغاله مرررره
وانا تعبت و رمضان جاي ولازم احد يشيل معي شوي
شغل البيت و عيالي
الله يسخر لي زوجي يارب

اذكر جهزت لبس الاستقبال من نهاية السابع وبنص الثامن بديت لبس البيت وبالتاسع بديت انقل على شوي شوي كل يوم دفعه انا عندي غرفه ببيت اهلي فيها دواليب ورتبتهن بالدولاب كل يوم شوي وبقيت كم لبسه للاستخدام اليومي




ماشاء الله الف الف مبروووووووك حبيبتي مريومه الله يجيبها بالسلامة ويجعلها قرة عين لكم




ماشاء الله الف الف مبروووووووووك الله يهون عليك حمله وولادته ويجعله من الصالحين البارين




هلا وغلا .. تمام الحمد لله كيفك انتي الله يعينك اللي عندها اولاد كبار تنشغل غصب




حياك الله بيننا حبيبتي .. الله يهون عليك حمله وولادته انا حملي ببنتي الاخيره كانت اخر دوره ب15 شهر 4 وكانوا مواعديني ب30 شهر 1 ولا ولدت الا ب15 شهر 2 يعني صح حسبت دكتورتك كل يوم 15 من كل شهر تدخلين شهر جديد وولادتك ب15 شهر 1 بإذن الله الله يهون عليك ويقومك بالسلامة



لازم ترطبين رجولك لانه يبقى اثر اختي كانت تجيها حساسية برجولها وكانت كذا بس تحك المكان تقول ارتاح وكان يتجرح المكان والحين فيهاثار خفيفه للجروح .. الله يهون عليك ويرزقك الصالح المعافى




يوووووووه ياللقهر اكره هالشي ياربي الانتظار مااااطييقه وياليته جاب نتيجه الله يطمن قلبك بالموعد الجاي ويتمم لك بخير





يياهلا وغلا صباح الورد
تمام الحمد لله

طمنينا عليك كيفك وكيف النونو ؟؟




مثل حااالتي كل يوم احسب بس يالله الحمد لله اذا جاء رمضان يروح ركض مادرينا عنه وبعده العيد والسفريات يبقى لنا شهر 11 وشهر 12 انتظار الطلق 😭😭 الله يعين ويتمم لنا بخير




من الرابع معاي تحجر وببنتي الاخيره نفس الشي من الرابع كان يجيني تحجر وهذاىعلامة اجهاد تكونين اما مشتغله كثير او رايحه جايه ماارتحتي او انك طولتي بالجلسه يعني مااستلقيتي او قمتي تتحركين شوي وترجعين تجلسين اذا قالت لك دكتورتك طبيعي لاتوسوسين استودعي الله جنينك كل يوم وان شاء الله مافيه الا العافيه .. الله يفرح نظرتك بالعافيه لك ولجنينك




مثل حالتي بجنس النونو ماعرفت للحين 😭😭
والدوام يغث مرررره اليوم ماداومت وشوفيني ماشاء الله قمت مروقه وطليت عليكم وسولفت ههههه
ورمضان لو مكانك يختي افرزن كشنة وحشوات وطبخات بالتوست وشوي سمبوسه واصابع وقطعي الدجاج صغيرات وكيسيهن لطبخه وحده مثلا 4 قطع بكل كيس بحيث بس طلعي واطبخي يكون سريع ولا ياخذ وقت تطلعينهن الظهر عشان يذوبن والعصر ابدي اشتغلي عليهن ياتقلين ياتحمرين والعجينه سويها الظهر وخليها تخمر براحتها ارجعي نامي والعصر سريع شكليها يعني بهالطريقه تسوين كذا صنف بوقت واحد لانه كلش جاهز بس تكبين وعلى النار ولو تقدرين جيبي غلاية القهوه تحطين فيها مويه وقهوه والهيل وهي تطبخ لك قهوه من احسن مما يكون بس انتي شغليها وان شاء الله تتسهل انا شوفي دام مافيه دواااام ان شاء الله تمشي الايام وانتي مروووقه ومبسوطه عني مايغثني الا هالدوام لاني موظفة اداري فعندي مناوبه اسبوعين برمضان والحمد لله هالسنة قلصوا مناوبتنا خلوها اسبوع

الله يلحقنا رمضان ونكون من صوامه وقوامه بصحه ويتقبل منا على احسن حال يارب



كبكوبه : حبيبتي انتي والله الفتره اللي راحت انشغلت مررررره واذا رجعت البيت خلاااص بس ادور المخده فترة امتحانات واستنفار بالدوام الله يعين ويوفق بناتنا واولادنا
حضرت الخميس حفلة بناتي يالله شعووور غير وانتي تشوفينهن يغنن بالمسرح ومسيرتهن
الله يطعم كل مسلمة الذرية الصالحة المعافاة

أم ترف ضيفيني في اللستة موعد الولادة 12/4 ولد بأذن الله