يارب أسألك اللطف

السلام عليكم ورحمة الله وبركاته 

طبعا اغلبكم عارفات قصة ولدي مع التشنج والكهرباء الزائدة في المخ 
باختصار ولدي كان طفل طبيعي مية بالمية ذكي ومثل ما قلت طبيعي لحد ما وصل عمره سنتين وشوي بدت معه أعراض كهرباء الدماغ سويت التحليل وأشعة مقطعية ورنين مغناطيسي وتخطيط مخ كل شي سليم بس التخطيط الي وضحت كمية كهرباء جدا شديدة في المخ والحمدلله على كل حال وإلى هنا شبه تعودت على حالته ووضعه ويا رب اني ما اعترض على شي كتبته وقدرته لي 
بس رحت لدكتور عام للأطفال ارسلتني له وحده وحيل تمدحه في مستشفى الوطن الدكتور هاني مهران الي حصل انه شاف ولدي وسألني أسئلة عادية بداية الأعراض والأدوية المستخدمة وفي الأخير صدمني وخوفني 
يقول انتي سويتي له رنين مغناطيسي قلت ايه سويت وكل شي سليم 
قال بما انك قلتي انه كان فيه ارتفاع بدرجة الحرارة وصار معه الوضع هذا فهذا يعني معه التهاب في المخ الي هو مرض السحايا صدمني بكلمته وحيل خوفني 
ماخفت من الموت أو شي لأن كل شي ربي قدره علي 
صدمني أسلوبه خفت لما قال مرض السحايا والي أعرفه أنه مرض خطير ومعدي 
طيب انا كنت بمستشفى حكومي بمستشفى قوى الأمن ولا قالوا شي كنت عند استشارية مخ وأعصاب اطفال د:- مها البياري ولا قالت شي 
الجرعة للعلاج زادوا
في البداية كنت استخدم ديباكين الشراب واحد ونص الحين استخدم اثنين وثلاث أرباع ومعه بعد علاج ثاني كيبرا 
وللأسف ماخفت تقدم في حالته 

سؤال هل ممكن يكون فعلا مرض السحايا والي تعرف هل هو فعلا معدي ويسبب شلل وموت وأعراض ثانية كثيرة يا رب رحمتك بس 

الله يخليكم لا تنقلون الموضوع جد محتاجة إجابات 

36 تعليق 8,386 مشاهدة

شاركي في النقاش

سجلي الدخول لإضافة تعليق.

التعليقات

36
  1. @ghs_sbr

    نصيحة لك خوذي ولدك للشبخ الرويس خليه يقرا علبه
    غالب امراض هالوقت الغربيه سببها عين ومس وحسد
    الشيخ الرميح دايم يذكر هالكلام لابد من الرقيه اولا
  2. @myooosh_4

    صاحبة الموضوع
    اختي الغالية غصة صبر وين مكان الرويس وهل هو يقرأ خاص أو عام  وجزاك الله خير 

    اختي الغالية دمعتك ذبحتني جزاك الله خير وتقبل ربي دعاؤك
  3. @kyodd

    مايشوف شر.. ايش اعراض ولدك بالضبط.. والسحايا له اعراض كثيرة
    واغلبها تتركز بالصدر والرئه...وفيه تطعيمه ضد مرض السحايا..

    بس انتبي إذا فيه اطفال غيرة اقل من5 سنين ﻷزم ياخذون تطعيمه
    ضد الفايروسات...
    وإن شاءالله مو سحايا إللي في ولدك كهرباء لا تخافين.. وسوي تحليل
    شامل عند مركز متقدم تتأكدين أكثر...

    مايشووف شر ..ربي يحفظه ويقر عينك فيه..

تابعي تجارب أخرى من هذا القسم.