الملف العاشر ( لبنات المدينة المنورة ) ❤

فعلا الطبيعي سبحان الله افضل بكثييير
رغم الوحده تشووف الموت بعيونها لكن الحمدلله ربي لايضيع لنا تعب
ومن ثاني يوم تمشي امورها طبيعي
وربي يكتب لنا ولكم الولاده السهله الميسره ياارب

صباح الخير
يابنات معليش بما اني بكريه ومو عارفه شي عندي سؤال
انا دخلت التاسع لي يومين ع حساب الدوره واسبوع بحساب السونار
احس بالام خفيفه بظهري زي الام الدوره
ولما انام يصحيني الم زي الكهربا من جنوبي الين رحمي واحس اني اتشنج من قوته ولا اقدر اتحرك ولا اتكلم حتى
تتوقعون هذا طلق كاذب
مع العلم انه مانزل علي شي لامويه ولادم

ربنا يقوم الجميع بالسلامة

ام رشودي بالشهر التاسع تجي فيه الآم يسمونها تعاديل فايدتها توسع الرحم وتهيئك للولاده
متى تعرفي انها طلوق حقيقيه وانها ولاده لانتظم الالم كل عشره دقايق او خمس دقايق
الله يسهلك ولادتك ويفرج ع كل مكروبه 💗

عطر الانسام

انا سألتك لان معاي سكر ومثل ماتعرفين السكر يسبب كبر حجم المولود وممكن يضطرون للعمليه ومن ذحين اجمع معلومات عنها
طيب اش تحطي على الجرح عشان يتعقم ويبرى بسرعه
الله يسهل لنا جميعا ويرزقنا اطفالنا بصحه وسلامه

ام رشودي
هذي مقدمات الطلق لكن الطلق الحقيقي لما يجيك تعرفيه على طول من قوته ومو شرط ينزل عليك دم او مويا
بس البكريه العاده تاخذ التاسع كله الله يسهل لك ونتطمن عليك