الله يفرج هم اللي ترد علي (جنيني مشوه )

السلام عليكم..

انا جديده معاكم متابعه بصمت سجلت ابي احد مر نفس حالتي
لما دخلت الشهر السادس ماكان عندي اي مشاكل رحت لموعدي بمستوصف خاص وقالت لي دكتورتي ان الجنين فيه فتق ببطنه واحشائه تنمو خارج بطنه 😔
ورحت لمستشفى مشهور بالرياض وقالوا لي نفس الكلام
والحين يقولون لي احتمال ماراح يعيش بعدالولاده واحتمال نسوي له عمليه وندخل احشائه ويعيش طبيعي وقبل اسبوع اخذوا مني عينه من السائل الامنيوسي وانتظر النتيجه يوم الاحد الجاي يقولن لي يمكن فيه متلازمه نوع من المتلازمات اللي يموت بعد الولاده مباشره

دعواتكم لي والله اني في هم لايعلمه الا الله😭

42 تعليق 5,622 مشاهدة

شاركي في النقاش

سجلي الدخول لإضافة تعليق.

التعليقات

42
  1. ياقلبي الله يفرج همممك 😭💔
    الله يخيب ظنونهم و يطلع سليم معافى

    وحده من جماعتنا انولدت احشائها كلها برا
    و فورا سوولها عمليه و الحين ما شاء الله لاقوة الا بالله عمرها 18 تقريبا وش زينها مافيها الا العافيه ما شاء الله
  2. @krrt_atob

    توكلي على الله ماخلقه ربي الا بيدبره وادعي ان الله يخيب ظنونهم بنت تقرب لي اكدوا كل المستشفيات ان جنينها مشوه وكانت نفسيتها تعبانه مررره تبكي ليل نهار وولدت وجابت ولد زي القمر هالاحداث قدام عيني توكلي على الله الطب تطور 
  3. @gory_36_2

    توكلي على الله انتي الحين مافي يدك الا الدعاء 
    وبإذن الله ستخيب كل توقعاتهم ، الله ارحم من عباده انتي بس ألحي في الدعاء مع احسان الظن به بأنه لن يخيب رجائك ، الله يفرحك بشوفته سليم معافى ياحي ياقيوم 
  4. @am_ashoak12

    الله يرزقك بالجنين كامل الخلقه والخليقه ويرزقك ذريه صالحه
    الدعاء اختي والصدقه وكثر الاستغفار الله كريم بيكرمك إن شاءالله

تابعي تجارب أخرى من هذا القسم.