الشغالات فالمطاعم

كلامك غيرر منطقي
والله ما شفت هالمناضر بالعكس الخدم عندنا عايشين احسن عيشه يمكن انتي شفتي حاله شاذه وعممتيها
اصلا حتى الخدم صاروا جريئات ان مااكرمتيهاا ترركت فالكل الان معيش الخدم احسن عيشه سواء نية الاجر او نيه انها ما تطفش منه وتهرب

اللي تسوي كذا انسانه منزووعة الاحساس
ياويل قلبي معقووله لهدرجه
يااتركوهم فالبيت اوو اذا خذتوهم من باب الصدقه ساندوتش وعصير

الحمدلله اذا رحنا لمطعم اخذ خادمتي معي ونجلس وياها على طاولة وحدة وتاكل من نفس اكلنا نخليها تاخذ الي تبي من الأكل في صحنها طبعآ انا وعيالي وبناتي وزوجي مو معنا

شفت منظر جد يكسر الخاطر طاوله كبيييره كلها حريم و اكل و و
و الشغاله كرسييها اللي جالسه عليه مخليينه
بشكل معكوس ووجهها ع الباب
يعني اللي جالسه معطيتها ظهرها
و ياحياااااتي متصنمه و جالسه كانها معاقبه
طيب ليييييييه !!!!!
ليه هي ماتشم الريحه؟؟؟؟
كسرت خاطري والله و تمنيت اشتري لها وجبه
بس واضح اهل البيت ممشيينها صح لدرجه حتى ماترف عينها تطالع كأنها صنم :(
فخلوا خداماتكم بالبيت و لا هالمناظر المهينه
و تعذيب نفسي لانسانه مغتربه

جزاك الله خير
أنا سبق و شفت مواقف ما تسر الله يصلح الحال
رحت مره مول مع عيالي و طلعت ساحة المطاعم بنتعشى
و كان فيه عايله كبيره جالسين يتعشون و جلسنا قريب منهم لفت أنتباهي
خادماتهم ثنتين مجلسينهم بطاوله لحالهم و لا عندهم أكل
و هالعايله ياكلون من كل مالذ وطاب و بعد ما خلصو نادو الشغالات يا كلون المتبقي من أكلهم !!!!
وكله تناتيف لاحول ولا قوة ألا بالله
هالحين طلبتو لكم كلكم جت على هالثنتين أعتبروهم من العايله أقلها !!!!

أو ألي تطلع هي و زوجها وعيالها و يجلسون على طاوله و يخلون الخدامه لحالها على طاوله ثانيه
طيب ليه كذا شكلها منبوذه يكسرون الخاطر والله

يارب لك الحمد عن نفسي لما كان عندي خادمه
لو أطلب أكل بالبيت أجيب لها حالها حالنا نفس و جباتنا بالضبط
لو تطلع معنا لمكان عام لو أشتري لعيالي بوب كورن أو حلويات شريت لها مثلهم
لو رحنا لمطعم تجلس معنا على نفس الطاوله و تاكل نفس أكلنا و نسولف معها بعد
الخادمه بشر يا ناس و لها مشاعر فبلاش نكسر أنفسهم بتصرفات غير لائقه
و نتهاون بأحاسيسهم .......
أنا ما تهمني الخادمه حتى لو كان لي ملاحظات عليها و حتى لو كانت تزعلني أوقات
بس بوقت الأكل والطلعات أتقي الله فيها

مره كنت بالرياض و كان وقتها برددد مووووت و طلعت مع صاحبه لي لمكان مفتوح
و معنا عيالنا و هي جايبه خادمتها و طلبنا شاي يدفينا
لفت أنتباهي الخدامه تتنافض من البرد
قلت لصاحبتي بيني وبينها بالله أطلبي للخدامه شاي تكسر الخاطر
تفاجئت بردها تقول ما بقى ألا هي أطلب لها أتركيها بس ما ينفع معهم الدلع !!!
أنا عجزت أمسك نفسي قلت والله ما يدخل الشاي فمي لو ما شربت ولا علي منك
و أذا ما تطلبين لها أنا بجيب لها و راحت شرت لها و أستانست الضعيفه .....
غثني و الله هالموقف كيف تطاوعهم أنفسهم على هالحركات الله لا يبلانا بس :(