اريد طلب من زوجه ثانيه مسالمه

اين الزوجات الثانيات مافي مسالمات وحياتهم هاذئه اين هم

هلا ياقلبي
انا والله مني زوجه ثانيه.. بس حبيت أقول اللي في نفسي
أول شي .. الله يكتب لك الطيب كله .. ويسر امرك ويرزقك بابن الحلال ..
اهنيك ان تفكيرك سليم وانك ودك تعيشي بحب وسلام مع الاولى واهل الزوج .. وجميل انك عارفه انها مهمه تحتاج لصبر وتأني ..
وزي ماقلتي انه هو شي ربي كتبه حتى لو كان صعب علينا 

اول شي بعد زواجك باذن الله خلي تفكيرك وافعالك في محيط قدراتك .. كيف يعني 
لاتقولي لبش سوت كذا .. ليه اخته قالت  . . ليه امه عادت 
لانك مابتستفيدي .. وماراح تقدري تغيري شي
لكن اي موقف ينقال او ينفعل شوفي انتي وضعك ايه 
ممكن تعدلي من نفسك .. اذن استفيدي من النقد وعدلي 
لا والله انت مالك دخل بس الغيره او اي شي ثاني لاتحرقي اعصابك وانتي ماتقدري تغيريهم .. بس قولي  اللهم افرغ علينا صبرا.
شي ثاني وكان المفروض ابدأ فيه انوي الخير دائما وابدا 
هاذي وصية الامام احمد بن حنبل يابني انوي الخير فانك ماتزال بخير مانويت الخير ..

يتبع

خلي نيتك بيضاء .. ودايم قرري وابداي بالطيب .. 
يعني اتوقعي ان الاولى طيبه بس تعاني من الم الابتلاء 
ولا تتوقعيه بلسانك بل عيشيه واقع .. راح تتعاملي باحسان 
وساعتها بتهون مصيبتها .. الله سبحانه امتدح اللين وذم الفظاظه 
فنيتك الطيبه وقلبك الطيب بيخلي اول شي نفسك مرتاحه والي حولك يحبونك .. واهم شي زوجك ..
باذن الله تسحروا طيبتك .. (لاحد يزعل ويحسبن احرشها) لكن الطيبه لها تأثير على القلوب 

طيب الامر الآخر .. لا تفتشي وراها ولا تجيبي اخبارها
وين راحت وش لبست مين صديقاتها .. كيف عايش معاها اش نظامها ف البيت .. اتغير عليها ولا نفس النظام
كلها امور ماتخصك ..
انسانه عايشه في بيتها الله يوفقها ويربط على قلبها 
وانتبهي ثم انتبهي ثم انتبهي .. احد يرميلك طعم ويذكر شي عنها 
وتسترسلي معه ..
اذكريها بالخير وبس .. وان لزم الامر سكتي اللي تتكلم بشكل واضح.
عشان تحافظي على سلامة قلبك .. وماتأذيها

نقطه مهمه ايضا .. أكثري من الدعاء لك ولها وادعي لها بالخير
زي ماتدعي لنفسك .. والملك بيقولك ولك مثله 



نقطه هامه للغايه .. في يومها ابعدي عنها ولاتؤذيها بالاتصال على  زوجك .. ممكن من البدايه تتفقي مع زوجك اذا في شي طارئ وابيك مثلا مكالمه على حسابك او مكالمه او اي اتفاق بينكم 
هو يفهم ان في شي طارئ ومهم .. خلاف عن كذا ابعدي عن يومها .

طيب نفترض هي مابعدت عن يومك .. اتذكري الوصيه الاولى 
تصرفاتك في حدود قدراتك .. اصبري مره ثنتين او على قد استطاعتك وبعدين انصرفي  بشكل سليم

ارسلت لك ع الخاص حبيبتي

اللي تطلبينه خيالي ومثالي اسمحي لي

انا زوجي مطلق قبل ما أتزوجه ب 3 سنين ومع هذا طليقته حاقده و تسوي حركات و تعذبه ببناته

ولو كنت مسالمه مو شرط هم مسالمين

الكلام النظري سهل و بعطيك منه الى الصبح بس بعد الزواج نظرتك تتغير و تروح السكرة و تجي الفكره

تزوجي معدد اذا انت قويه و اعصابك ببروده الثلج و تقدرين تتغاضين اما اذا كنت حساسة و تهتمين للكلام

ما أنصحك و إنت كيفك اذا مقتنعه اقدمي والله يوفقك