من تعرف ممرخه شاطره في جده

السلام عليكم
كيفكم أخواتي الله ييسر لي ولكم الحمل السليم والذرية الصالحه أنا عندي ولد عمره 5 سنوات الله يحفظه وبعده ما صار حمل ثاني والحمد لله
التحاليل والمستشفى سليمة الحمد لله لكن عندي مشكلة ان رجلي اليمين قبل الدورة ب اسبوع وزياده يبدأ فيها ألم كأن في حاجة ضاغطه عليها وكمان ألم شديد أسفل ظهري لو مشيت أو طولت واقفة وموية الزوج بعد الجماع بسرعه تنزل (اسفة على هالكلام لكن والله مضطره) أنا شاكه انه ميلان الرحم يمين لان الضغط جهه اليمين وكمان عندي هواء في الرحم والحمد لله سؤالي تعرفوا ممرخة كويسه في جده تعرف للميلان لاني تعبت وأشكو لله ضعفي وقلة حيلتي
الله يرزقكم وييسر أموركم ويحقق ما تتمنون

11 تعليق 6,029 مشاهدة

شاركي في النقاش

سجلي الدخول لإضافة تعليق.

التعليقات

11
  1. @doooda_2

    عندي نفس اعراضك
    من قبل الدوره يمسكني الم بالجهة اليمين وينزل على الركبه لحد القدم واذا مشيت يزيد وممكن قدمي تتنفخ شوي كأن فيها مويه
    وبعد لجماع كل شي يطلع بسرعه
    رحت لمرخه ولعبت فيا ورحت للمستشفى ومحد فادني كلهم قالو تكيسات
    اخر شي طلع السبب كيس على المبيض هو اللي مسببلي الالام كلها
  2. @aahsaaaasy_ghyr

    أنا أعرف وحده تمرخ في جدة شااااااااطره ماشاءالله عليها ..... اسمها أم رامز الفلسطينيه ساكنه في جدة حي الجامعة ...
    إذا تبغين رقمها قولي لي وابشري ...
    وترى ناس كثير راحوا لها وحملوا بعد الله ثم علاجها
  3. @non_nt

    احساسي غير الممرخة هي تجيك للبيت ولا انتي تروحي لها؟؟
    انا كان تقريبا نفس الاعراض عندي.. ومرخت بشهر 4 جبت وحده اندنوسية وشاطرة قالت لي عندي الرحم نازل ومايل شوية وفي هوا ..
    ولحمدلله رجعته بفضل الله .. وشهر 5 جاتني الدورة ومن غير الم .. وشهر 6 حملت بس نزل حملي الشهر الثاني .

تابعي تجارب أخرى من هذا القسم.