سجل جوال زوجي ادخلوا وانصحوني

انا صاحبة موضوع زوجي واهلي طفشوا مني
ماعرف احط رابط
اخر مستجداتي انه جانا واخذني للبيت بدون نفس ومعصب
واخلاقه زفت
ولما جيت قلت يابنت رمضان قرب واسكتي رحت نظفت بيتي ولبست
وهو برا حطنا وراح
وصحيت ماكلمني ولا شي وقايم بواجبه ع اكمل وجه
حسيت اني راميه نفسي عليه حتى رغبه للفراش ماعنده
وفتحت جواله ابشوف ايش يتابع مشبعه عني
انصدمت انه داخل موقع حجز لدوله خارجيه وحاجز الفندق غرفه فندقيه يبي يسافر لها بعد العيد
اتكلم اقوله انك حاجز ولا اسكت وانا اذا مسافر مستحيل اروح لاهلي
مو ناقصه هم
ووجهوني اذا تكلمت راح يحط اللوم علي افتش
ولا اسكت واخذ الكبت والقهر

15 تعليق 3,813 مشاهدة

شاركي في النقاش

سجلي الدخول لإضافة تعليق.

التعليقات

13
  1. @amyr_bakhlaky_4

    ياقلبي موقفك صعب وزوجك جدا صعب
    ماادري انا مااحب انصح بالطلاق
    بس الرجال على قولهم معطيك طوفه ولا كانك موجوده مدري ايش موضوعه
    الله يسخره لك
    قوليله مثلا ايش رايك نسافر بعد العيد الدوله الفلانيه وشوفي رده فعل
  2. @madlyyn

    الله يفرجها عليك والله اني تاثرت. بقصتك مع اهلك وكنت اتمني اعرف ايش صار معك .....، بعينك الله استعيني بالصلاة والاستغفار والله لها مفعول السحر. والله كانت واصلة بيني وبين زوجي. للطلاق. والحمدللله ربي هداه وسخرة لي بالاستغفار وصلاة قيام الليل
  3. @mskoy

    بسيطة اذا انتي تتوقعين انه بيسوي حرام في هالدولة فارفضي انه يسافر لها واذا اصر خلي عياله عنده وقولي اهلي مايتحملونهم
    انا وبس اروح لاهلي وانت دبر عيالك
    خليه يبتلش فيهم ويمكن يكنسل السفره عشانهم
    اما اذا زوجك رجال يخاف الله وتعرفين ان سفره مجرد ترويح للنفس فاصبري ولاتروحين لاهلك وعلميه ان اهلك مايتحملون عياله
    وانا ماقرأت موضوعك السابق بس حسب مافهمت
  4. @kshkolyaaat

    صلي واستخيري الله في سفره الى الخارج وفوضي أمرك إلى الله .........ماتدري ياأختي عسى ان تكرهوا شيئاً وهو خيراً لكم ...أقسم بالله اعرف زميلة لي بالعمل استخارت الله في سفر زوجها الى الخارج وهو ماكان مسافر دول اوروبا ولكن كان مسافر دوله عربيه تعرفين ايش صار فيه ؟؟؟؟!!!!!!انسرق جواز سفره وجواله واللي سرقوا الجوال يردوا على اهله من جواله ويهددونهم امايرسلوا مال ولا يقتلونه .مع انهم مامسكوه ولكن اراد الله ان تكون هذه السفرية وبال عليه .....ثقي بالله فقط
  5. @mona_raja

    ظروفك زفت واهلك مايبونك وزوجك بايع مالك الا التنطنيش ولا ترجعين للمرمطة والبهذله اتغافلي عنة حتى تعيشين لعيالك

تابعي تجارب أخرى من هذا القسم.