بشرى لنا..نلنا المنى..زال العنا..وأتى الهنا..تباشيـ1ـر مواليد (يولـ7ـيو &اغسـ8ـطس)

مرحبا ياحلوات
ومبروك عليكم التباشير
الله يسهل عليكم كلكم وتولدون بالسلامة


اعذروني مادخلت وطمنتكم علي
الحمد لله رب العالمين ولدت بتاريخ 15 شعبان في الشهر الثامن
ورزقني الله بمولود جعله الله من مواليد السعادة البارين
وضل بالحضانة 3 ايام وطلع من المستشفى
وقصتي
كنت كتبت لكم اني بالمستشفى عندي طلق كان له يومين وفتح الرحم 4 سم وانا لسه 33 اسبوع
وتنومت وعطوني ابرتين للرئة كل 12 ساعة وحبوب تهدئ الطلق 4 جرعات المفترض كل 12 ساعة
بس بالبداية عطوني اياها كل ست ساعات
والحمد لله بعدها هدأت الامور عندي وضليت عندهم 3 ايام وطلعت والتزمت الراحة وماتحرك
طلعت يوم الثلاثاء من المستشفى
والثلاثاء الا بعده كان عندي موعد في مستشفى سعد وقلت لها القصة الا صارت وان رجع لي الم الظهر والتقلصات
وسوت لي تخطيط قالت الحمد لله امورك كويسة
وفحصت لقته لسه 4 سم ماتغير وطمنتني ان فيني اكمل إنّ شاء الله وادخل التاسع لان الرحم لسه سميك شووي وان لو صارت ولادة اموري إنّ شاء الله في السليم ومامنها خطر
وكان باقي يوم واكمل 35 اسبوع
ورجعت من الموعد للبيت وكنت مرهقة ونمت وصحيت على العصر الا ثيابي والسرير كله مووية وطبعا انا اتخرعت ويش صاير ومن وين الموية وويش هذي .. ماكنت متوقعة وجيت اقوم الا الموية تصب بدون توقف
وعلى طول رحت مستشفى الولادة والاطفال ودخلوني ولادة
والطلق كان بارد فقالت لي بتعطيني طلق صناعي لان لسه 4 وماتغير
وسوت لي تحريض بيدها
وجاني الطلق وقلت لهم مايحتاج تعطوني الطلق الصناعي لان بدأ الطلق
فقالت لازم
وعطوني اياه الساعة 8
والحمد لله كنت اقرأ قران واردد سورة الزلزلة والخمس الايات الاولى من سورة الانشقاق واذكر الله واالصلاة على النبي
والساعة 8:20 قلت لهم خلاص بولد ماصدقوني
وكشفت علي الا الرحم فتح 8 سم
وبسرعة نادت القابلة لان ماكان معاي احد وقتها وتجهزت القابلة والساعة 8:30 تمت الولادة الحمد لله وشرف ولدي على الدنيا
وماحتجت توسيع لان كان صغير وزنه كيلوين
وبعدها اخذوا ابني للحاضنة وماشفته خلاص ولارضعته الا يوم ثاني
وقالوا بيضل عندهم لان لما رضعوه صار عنده تسارع بالتنفس ووقفوا عنه الرضاعة من وقت الولادة بس ع المغدي وعطوه مضاد وسووا له تحاليل يشوفوا ويش المشكلة هل عنده التهاب او شي
وبعدها بيوم قالو ينتظرون النتيجة وتتحسن رضاعته لان مايرضع زين
واليوم الثالث طلعت النتيجة سليمة ووقفوا المضاد وقالوا رضاعته صارت افضل من قبل
واخذته معاي للبيت
وبكذا انتهت احلى معاناة بوجود ولدي معاي بعد طلق استمر 10 ايام
اللهم لك الحمد والشكر
والفال لكم وعقبالكم كلكم بالولادة السهلة الميسرة😘

الحمدلله خلست من أغراض العطار جبتها وطحنتها وحطيتها بعلب بالفريزر

وخلست من أغراضي أخذت قمصان 2 كم طويل و4 كم قصير باقي قميص الاستقبال م أخذته وأغراض م

ماشاءالله الف مبروك حبيبتي شروق فعلن احﻻ معناه الله يخليه لك

شروق حبيبتي انتي معي في نفس اليوم الله يستر 😢