🎀🎊التجمع (4) لتباشير مواليد شهر مـ5ـايو ويونـ6ـيو 🎊🎀

🎉🎊🎈🎉🎊🎈🎉🎊🎈🎉🎊
الف الف مبرووووك للي ولدووو والحمد الله علي سلامتكم جميعاً
وعقباااال البقيه يارب يسهل عليهم 🌹


المعذره معد دخلت بس انشغاااال مع الخياطه 😩 والبنوته وناس رايحه وجايه الله يكون في العون..

اكشني..كان عندي مراجعه يوم الخميس في مستشفى اول مرا اراجع فيه وعلي حساب التامين..
رحت في الصباح عند الدكتوره يمدحونها وانا ثاني وحده عندها المهم انتظرت ساعه ساعتين 3 ماجات وفي الاخير قالو الدكتوره بتتاخر ويمكن ماتجي طبعاً المستشفى ابداً مايساعد نفسياً اولد فيه
لقيت 3 حالات ولاده 2 في استراحة النساء ووحده في الممر تمشي وتتالم والسبب مافي اسره طبعاً كلو كذب في بس مايطلعونها شكلهم لناس معاهم واسطه ما اعرف اش طريقتهم .. المهم وحده ولدت في استراحة النساء وجات الدكتوره بعد ماولدت ومن اول ينادونها ومطنشه وتستقبل حالات ماعندهم لا ولاده ولا هم يحزنون وغير كذا مستشفى بكبرو مافيه الا دكتوره وحده وماجات الا الساعه 8 الصباح بعد حالة الولاده الي ولدت طلع سرير سبحان الله واول بس مافي مافي الين ولدت المسكينه في استراحه حتى مو نظيفه الله لا يبلانا..
شفت الفلم الي صار قدامي خفت وقلت والله ما ارجع لهم بعد الي شفتو مافي مسؤليه والنظافه من جنبها وغير كذا يصيحون عليك كانو دافعين شي من جيبهم😒
طلعت من المستشفى معد رجعت لهم وجاء اليوم الثاني يوم الجمعه قلت لازم اطمن علي نفسي ماينفع لي اسبوعين ماراجعت وعندي سكر حمل..
رحت عيادة الشركه لقيتها مقفله رجعت رحت مستوصف والحمدالله لقيت دكتوره سويت اشعه والحمدالله كل شي تمام طبعاً الدكتوره عرفت كل شي عن حملي وقالت لازم تولدي هاليومين ماينفع تطولي لان حملك عزيز وغير كذا معك سكر حمل واحتمال كبير يولدوك قيصري انا كذا😳
قلت لها الي اعرف انو يعطو مجال اني اولد طبيعي واذا مانفع يحولوني قيصيري قالت هذا في المستشفيات العامه بس الخاصه علي طول قيصيري..
المشكله مستشفيات العامه الي عندنا سيئه وحتى الخاصه بس اش نسوي بظروف الي حدتنا عليها..
قلت لها طيب اكشفي علي من تحت اشوف اش وضعي
انا معايه الالام من بداية التاسع ماهي منتظمه مع تحجر بس قلت طبيعي..
المهم كشفت ولقيت مفتوح 2 سانتي 😳انا جاني برود يوم قالت لي..
رجعت البيت وخبرت امي جاتك امي بالخلطات والمشروبات الساخنه مع مشي
وخبرتها بكلام الدكتوره قالت ماعليك طنشيها وبوديك عند الدكتوره الي ولدت خالتك واختك وهي وتشوف حالتك وبعدها نقرر وين نروح..
جاء الصباح ورحنا لدكتوره
الالام الي معايه ماهي منتظمه بس التحجر مع الم زاد شوي..
كشفت عليه لقت مفتوح 4 سانتي😨 وانا زي المصدومه طلقي مرا باااااااارد والرحم يفتح شوي شوي
قالت بطولي تعالي بعد الظهر واشوف حالتك ان فتح الرحم او نزل معك شي نومتك وان شاءالله ولادتك الليله
طلبتها طلق صناعي تحاميل عشان يحمي الطلق عندي واولد وارتاح قالت لي ماينفع كذا بتعب الجنين اذا فتح الرحم عندك 6 او 7 سانتي اعطيتك طلق..
رجعت البيت وجاء بعد الظهر الساعه2 التجحر مع الالام زاد
رحنا انا وامي لدكتوره كشفت عليه قالت مفتوح 6 سانتي
نومتني عندها واعتطتني مغذيات والالام معايه كل ربع ساعه و10 دقايق جاء بعد العصر كشفت باقي 6 سانتي
اعطتني ابرة طلق في المغذيه😩طلبتها تحاميل رفضت قالت لافضل لك ابره
ربع ساعه وانا ماسك معايه الم كل ماله يزيد الين معد قدرت اتحمل خليت امي تنادي الدكتوره جات واعطتني مهدي في المغذيه الثانيه
ارتحت شوي بس احس بالم الطلق ارتحت ساعه بعدها كشفت الدكتوره طلع الرحم فاتح8 سانتي فتحت المويه عندي كان مؤلم وبعدها رجعت المغذيه الي فيها طلق عشان اكملو ويحمى الطلق اكثر بس اخذت 5 دقايق من المغذيه الا يجيك ذاك الام الي خلاص ترقصي سامري من قوتو😣 واصيح علي امي تنادي الدكتوره وامي ياقلبي تهدي فيني وتجي الدكتوره والممرضه وتكشف خلاااص ولاده والم ورا بعض ماقدرت اتنفس بس ابغا اولد وتقولي الدكتور مع كل طلق اكتمي ودفي وسعت لي
و3 دفات وشرفت حبيبة مامتها الساعه 7 ونص بعد المغرب👶💕
سمعت صوتها ارتاح قلبي ونسيت المي وطمنت انها طيبه يارب لك الحمد..
السنه الي فاتت في شهر 7 ولدت طفل من غير صوت الله يجعله شفيع لنا.. والحمدالله ربي عوضني بسنه هذا في شهر8 بطفله صوتها ملا الدنيا عليه سعاده وفرح الله لا يحرمني منها ويرزق كل وحده محرومه..
واخيراً كتبت اكشني توقعت بتتزوج وتخلف بنتي وانا باقي ماكتب لكم شي😂😁
‏

دايما اسمع ان البنت بعد ولادتها يخرج من المهبل افرازات وومكن دم اذا الموضوع مره مقلقك روحي وديها دكتوره اطفال

الف مبرووك والحمد الله على سلامتك

الف مبروووك والحمد الله على سلامتك