شاركي في النقاش

سجلي الدخول لإضافة تعليق.

التعليقات

15
  1. @bayaa_almsk

    اللي يقولون اسالي امك


    ماهي امها اللي علمته
    اللي علمه امه اللي هي جدتها
    هذا اللي شفته باللي حولي
    كذا رجل اللي يساعد زوجته لو بشي بسيط هذي مو زوجته زرعت فيه امه زارعه فيه والزوجته من اول يوم كملت مشوار امه معاه


    انا لاحظته بابوي
    بزوجي
    باخواني
    بازواج خواتي وقريباتي


    اذا تربى الولد من صغره على شغل البيت من امه راح يستمر حتى مع زوجته لانه عنده عادي مايحس بشي غريب عليه
    لكن اذا امه ماربته ولا يشيل ملعقته هذا مستحيل تعدلين فيه
    ولاحظت انه الرجال اللي جاي من عيله مافيها بنات يعني خوات بس امه الحرمه بالعيله يطلع مساعد لزوجته والعكس اللي بيته اكثر مافيه بنات يطلع مايساعد
    ليش لانه اذا ماعنده خوات امه معودتهم يساعدونها يشيلون معها الاغراض يقومون باشغالهم بانفسهم لانها ماتقدر تعطي لكل واحد حاجته
    اما اللي بيتهم فيه بنات تلقين كل شي على البنات تلقين الام تامر بناتها قومي جيبي لاخوك قومي غسلي لاخوك عشان كذا ماتعود على القومه بشغل البيت


    انا ابوي ماعنده خوات فكان يساعد امي باشياء بسيطه لانها جت لبيت جدودي وكانوا كلهم رجال مافيه حرمه غير جدتي واني فتكرف امي ببيت كبير فيساعدها ابوي بنا يشيلنا ويسكتنا ويسوي لنا الرضعات والله تقول امي حتي يغيرلكم ههههه والله ماشفت ابوي يسوي هالامور من عرفت نفسي ههههههه بس يوم كبرنا حنا الكبيرات ثلاثه اول خلفه امي من الروضه والابتدائي وحنا قمتا بشغل البيت ومساعدة امي فعشان كذا ماشفنا ابوي يسوي فير يشيل السفره معنا ويغسل المواعين اللي بعده مو مواعينا كلنا لا اذا اكل بشي او شرب بكاس يغسله ويشيل اللي بالارض
    لاننا بنات الحمدلله بالبيت مو بس ثلاث بنات لا فقمنا بكل الشغل كل وحده لها شغل بالبيت حتى مانخلي ابوي يلمس شي ناخذه قبل لايقوم


    اخواني اثنين وعودناهم يشيلون اللي عقبهم وعودناهم يسوون اكل لهم مانسوي لهم
    اذا يبي ياكلون ياكلون معنا لكن يجي يبي اكل ومو وقت اكل معنا لا راح انت سوي لنفسك
    وشيل مواعينك واغسلهم نفسيات البنات ههههههههههههه فاشوف ان خواتي علموا اخواني قبل امي امي ماتامرنا نسوي لاخواننا شي كل واحد يقوم يسوي شغله بنفسه


    زوجي نفس نظام ابوي ماعنده خوات فتعود يشيل اللي بعده ويشيل السفره ويغسل ثيابه ويغسل مواعينه لان امه معودته وانا طبعا جيت وكملت عليه كان يخلي اول بدايات فاول ماشوفيه يقوم اقول ساعدني لاتقوم ومابيدك شي
    واذا جيت من برى وجيت لقيت بالمغسله اكواب وملاعق لاني اطلع من البيت منظفه كل شي ومرتبه اجي القاء اكواب وملاعق
    يسوي شاهي ومايروح يغسله اذا اشتهى ثاني لا يروح يطلع كوب ورى كوب ورى كرب لدرجه القاء بالحوض 4 اكواب وانصدم انت عازم احد يقول لا انا ماشتهي اسوي بنفس الكوب وعجز اغسله اطلع ثاني
    ولا اسكت عشاننا عرسان لا اقوله ياخي اللي عقبك اغسله وشذا وش العجز اغسل اللي بعدك مايضرك ولا ينقص من عمرك شي انا اطلع مغسله ومنظفه اجي القاء بلاوي
    الصراحه عانيت كثير من هالطبع بس ماتغاضى ابد عنه ايتمريت كل ماشفت كذا ازن وازن وازن
    لحد ماصار يبي يفتك من زني مايحوس شغلي
    امه عودته ولا ابي اخرب شغل امه بعد هالعمر بالدلع


    ازواج خواتي غير
    متعودين على خواته يسوون له انه تركض وراهم تاكلهم تنظفهلهم مايلمسون ولا القرطاسه اللي تحتهم مايشيلون شي من الارض
    لانه خواتهم وراهم يشيلون وينظفون لهم وهم لا مرفهين
    خواتي حاولوا فيهم شيل اللي عقبك يشرب عصير بالصاله ويكبه ولا ينظفه ولا يشيل الكاس اذا جت زوجتي تنظف
    تقوله ليش ماتشيل الكاس ولا تنظف اللي كبيت وش يرد عليها خييبيير انا حرمه
    تقول شيلتك لكاسك وحطه بالمجلى ماينزل من رجولتك بس عجزت اختي عنه انها تخليه ينظف اللي عقبه لانه متعود على التخديم من امه وخواته
    وبرضو اختي الثانيع زي اختي اللي قبلها مايشيل ولا قشور الفصفص اللي بالارض يفصفص بالارض وتجيك عاد ذي اللي ماعمرها شافت هالطبع ابببببد وتهددوتوعد هههههههه
    فيه امهات مايربون عيالهم ولا على النظافه
    لذا العمده على امه قبل عليك
    شوفي اذا امه وخواته مدلعينه ومرفهينه صعب عليك حاولي فيه بس ابقولك راح يكون مشوارك جدا صعب وطويل
    لكن اذا متعوده على اشياء بسسسسييطه جدا بالمساعده مع اهله هذا سهل باذن الله تشكيله على ماتحبين


    لذا لاتشوفين كل رجال زي ابوك لاوالله
    بالعكس تولمي للصدمات
  2. @loh_frh

    طيب تخيلي زوجك اللحين يدعي ربه ويفكر كيف يخليك مثل أمه .تبينه مثل ابوك صيري مثل امه الزواج موب اعودك وتعودني بل اتكيف معك تتكيف معي اش ابي بواحد يغسل المواعين وهو يسبني ويسب اهلي او يتمشكل على كل شيء المهم في الزوج حسن الدين وحسن الخلق والكرم والباقي يهون اجيب شغاله بالساعة تنظف اذا كنت نايمة ... الله يكتب لك الخير
  3. @sweet_life1993

    انا رأيي من رأي الاخت بائعة المسك،صح ترجع لتربية الام نفسسها، وانا ابوي مايعرف يغسل شئ بالبيت وأماكن الصحون مايعرفها بالمطبخ،الشاي مايسويه عشان جدتي ماربته ع هالأشياء لكن اخواني ماشاءالله كلهمم يعرفون ويطبخون، لأن امي اشوفها ربتهم ع كذا يعني تقول فلان روح ساعد اختك بالمطبخ وكذا، بس ترا فيه فئة يشوفون انه اذا ساعد زوجته يقلل من قدره كرجل!
    بس انتي لا تخلي همك هالشئ لانه وربي فيه اشياء وصفات اهمممم زي مثلاً انه يكون كريم وطيب وحنون، والله يوفقكك

تابعي تجارب أخرى من هذا القسم.