النصيب

السلام عليكم .
اول موضوع لي بهالمنتدى واتمنى من الجميع مساعدتي
اولا انا عمري 22 سنه الشهر الجاي بدخل 23 :(
ممكن مشكلتي مكرره كثر لكني مخنوقه وابي حد يسمعني
وانحرج اقول مشكلتي لشخص يعرفني
انا خريجه جامعه توني متخرجه من شهر
وعندي 3 خوات غيري بسن زواج وحده 24 وحده 19 سنه
وربي ما اكذب يا خواتي انهم جميلات لكن ما في نصيب ابد
حتى لو جا حد خطب الموضوع ما يتم !!
ومع العلم ان اي حد يشوفهم يشهد بجمالهم
انا اعاني من مشكله العنوسه اشوف ان القطار فاتني والحين من يبغاني وانا
بهالعمر :(
قبل كم سنه كان في سواق يوصلني مشاويري كان مؤدب ومحترم بشكل مجنون لدرجة
ان اهلي يامنون له اركب معاه لحالي
المهم الولد دخلت مزاجه ومرت السنين وكلمني واتس وقال انه يبيني بالحلال وانه صار ممرض
ومحاسن الصدف طلع الولد يقرب لي من جهة امي
والولد اكبر مني بسنه وكان عند كلمته و جاب اهله
وبدون سبب اهله مارضوا فيني كزوجه له
مع العلم اهلي سمعتهم طيبه وذكرهم الكل يشهد له وابوي (معلم)
اتمنى انكم تساعدوني تعبت من التفكير :(