و بعدين مع ام زوجي و بناتها ؟؟؟

السلام عليكم يا بنات


انا مرفوووع ضغطي حيييل و السبب ام زوجي و بناتها العلل على قلبي


باختصار زوجي دايم يحب يسير على اهله يعني زياده عن اللزون لانهم يجلسون يسولفون عن الحريم قدامه وما يتجروون يجيبون طاري قدامي


وكل ما راح عندهم يجلسون يحشون في ذولا الحريم قدامه و هو ساكت يسسمع وبعد فتره اجلس اسولف معه و يقول والله انا سمعت مثلا ان فلانه كذا وان فلانه كذا


مثلا في وحده تطلقت و تزوجت علطول لانها حلوه
و كل ما سولفنا موضوع يضرب المثل يقول وفي فلانه امي قالت لي تزوجت علطول لانها كانت مظلومه مع الاول و هي حلوه
وانا اقول وش عرفك فيها اصلا يقول امي قالت لي ولا اختي
وكل كلامهم مددددح في الحريم و في الشكل صرااااحه رفعوا ضغطي
و يا ليت احد مدح فيني والله اني جميله واغطي عليهم كلهم بس الحسد اللهم يا كافي و حسبي الله و نعم الوكيل

10 تعليق 3,282 مشاهدة

شاركي في النقاش

سجلي الدخول لإضافة تعليق.

التعليقات

10
  1. @loh_frh

    أختي الله يفرج همك ويقصر طرف زوجك عليك
    ترى ماهو شرط إنه حسد وإلا كره لك كل الخوات يسولفون لاخوانهم والأمهات أكثر وأكثر
    أنتِ الواجب تكوني واضحة معاهم لأن الأمر خطييير وتقولين لهم ترا حرام توصفون المرأة للرجل هذا شيء حراااام حرااام .


    ما أدري كيف الحريم يتهاونون في هالأمر وهو منهي عنه صريح أن تصف المرأة المرأة للرجل كأنه ينظر لهـــــــــــــــــا .
  2. @graah_tfaol25

    و زوجك كمان عليه خطأ ليه ما يسكتهم
    و يقولهم هروج الحريم مالي دخل فيها
    يا كثر السوالف مافي الا فلانه و علانه !
  3. الغلط من زوجك المصون لو مو عاجبه الوضع ماجلس طول وقته عند امه واخواته تلاقيه هو كمان اللي يفتح المواضيع والا مافيها شي لو مر وسلم ومشى اذا هذي سواليفهم لكن عاجبه الوضع
    فانت عليك بزوجك قبل اهله والله يعينك

تابعي تجارب أخرى من هذا القسم.