/ التجمع الثاني لأمهات مواليد ( ينايـ..1..ــر و فبرايــ..2..ــر ) 2016

تمااام انتي كيفك
وانا مثلك الحمدلله الوحم بدا يخف شوي يارب لك الحمد والشكر
انتي فالاسبوع 13 و يومين وانا 13 و6 ايام بيننا اربع ايام 😍😍
الاحد رحت للدكتووره وكنت توني داخله الشهر الرابع وصرفت لي فيتامينات وكالسيوم بس لسى ماخذتها من الصيدليه 😓
انتي بدأتي تاخذي فيتامينات؟؟؟
وبالنسبه للاوميغا لاتاخذي شي بدون استشاره دكتوره لان بعض الفيتامينات زيادتها تضر ماتنفع
عفكره روحي سوي سوونار وبشرينا اش طلع معك مفروض من الان يبين جنس البيبي بس روحي لدكتوره شاطره فالسونار
انا قالتلي بس ما أكدتلي لان كان لام جسمه على بعض
والله يفرحنا بشوفتهم يارب ويتمم للجميع على خييير

هذا الوحم بعينه وعلمه 😓 الله يسهل عليك يارب
ونصيحه لاتخلي شي في خاطرك اي اكله تشتهيها كليها او اطلبي من زوجك يجيبها لك لاتصير في نفسك
انا بهذلت زوجي والبيت كله ههههه يوم ابي بقلاوه يوم بطاطس يوم اندومي وابشرك كلهم اكلتهم وكرهتهم بعدين

الدكتوره نصحتني لو ماله لزمه السفر احسن يتكنسل
لو ماكان عندك مشاكل فبدايه حملك وماكان ينزل عليك دم والمسافه ساعه بس اتوقع ماتضرك باذن الله
انا كنت ناويه اروح مشوار سياره 4 ساعات قالتلي احسن روحي طيران لو تقدري بعدين كنسلت السفره

كم يصير ضغطك ؟؟ القياس كم على كم ؟؟
الاحد لمن رحت موعدي كنت احس بتعب مررره واذني مقفله ما اسمع كويس وتوقعت عندي هبوط لمن قاست طلع 113 على 69 قالتلي طبيعي استغربت على بالي نازل لاني على طول تعبانه ودايخه
وزوجك عاد حكايه ثانيه عطيه بكس على عينه :23: حرااام والله تعب الوحم والحمل ماله مثيل وبالاخير يقول تمثيل مفروض يواسيك مو يزيد همك هم
زوجي كان مو مصدق برضو يقول ليه امي واخواتي مايحسو بشي ولايتوحمو وعادي يتحركون بس الحين فالحمل الثالث بدأ يقتنع ان جد في ناس تتعب وتتوحم الله يسخرهم لنا يارب

ضغطك مو طبيعي ضغطك منخفض شوي القياس الطبيعي 80/120 دايم ركزي على الرقم الصغير هو الاساس واللي يضر لكن الرقم الكبير عادي انا ضغطي 100/180 مره مرتفع الله يعين ويرجع ينخفظ