%% ملف بنات رأس الخيمة %%تميز إصرار وعزيمة %%الجزء الثالث

السلام عليكم شخباركم بنات :) سوري غطيت عنكم فتره :)

=======

أم ميثا الله يحفظ لج ولدج .. ليش ما تجربين تدهنينه بزيت اسمه لقمان حياة تيل هو من الهند ويبيعونه العطارين بشارع الكويتي

هلا ام ميثاء
كيف الحال
كيف الاولاد والاموره ميثاء
بالنسبه للدلغه
اعتقد بزارا بتلاقين دلغه حلوه بالميغا مول من فتره شفت
عندهم اشياء حلوه
ولاكزيما هاى مشكله العصر جرب اليعده مغليه بالماء ثم صبيها
بالحمام وحمميه بالماء يعنى اعمليله مغطس ماء باليعده انا مجربتها
لولدى وجابت نتيجه لو بغيتى جيبيه الى وانا ا عمله المغطس
والاكل جبيلى اياه مده اسبوع لخليه يرجعلج ياكل كل شىء بعمله جو وهو واموله وعزيز وبتشوفين كيف ياكل:) :)
وبالنسبه للمدرسه الانجليزيه
كنت امدخله عزيز ورحت زرت المدرسه وكان معاى عزيز
قام شاف عايله شكلها رومانيه اوروسيه وكنوا من نوع الهيبز
يعنى وسخين ومبهذلين قام عزوزى واصر انه ما يروح يقول انه
البنت كانت وسخه شاف الوشم الى عليهم ورفض ايروح المدرسه
شفت البطر كيف والله انه امتعبنى ها الولد لو ايشوف خيط اسود على الارض اوشعره قال خلاص
هذا وسخ
السموحه جنى هذرت وايد

ranean ....الله يخليلج ولدج ...ضحكتيني والله هاليهال ما تعرفين كيف ترضيهم..الله يعينج...
اقول كم وحده الحين بتروح يوم الجمعه لام احمد؟

هلا امواج مدام ام ميثاء
يعنى تقصدين ام حمد
عيل ها امواج ما اوصيج انتى وباقى الاخوات
هالله هالله فى ام حمد تريقونها معاكم وعلى فكره
امواج ام حمد طباخه من الدرجه الاولى لها نفس حلو بالطبخ
يلسى جنبها وخذ كل الطبخات منها ساليها عن انواع الخبز الهندى
ولو يابتلكم ريوق ادعونى بيى بتريق وياكم :)
سلام ارق من النسمه لكل بنات الملف

بنات انا من يومين رحت مكتب الخدم كنت اابا اقدم على خدامه بس على حظي ما حصلت اللي ابيها وكنت ابا اييب اثيوبيه مسلمه :(

فقلت بسألكم اذا تعرفون مكتب خدم اييب اثيوبيات مسلمات علشان اتصل اسألهم اذا عندهم طلباتهم واروح بعدين