مدري وش يفكر فيه ودي يغمى علي لين الله يفرجها تعبببببت

قلبي وجعنني وقريت كلامك لاخر صفحه ..
معليش يا قلبي الصدمات احيان تكون نافعه عشان نقوى ونقدر نعيش ونتحمل الجاي
لا اعلم وش فداخله الله حسيبه وهو اعلم بحاله لكن انت كوني صبوره
واللي فطنك ابدا لا يضعفك بالعكس خليه يكون دااافع كبير يقويك و يسندك فالحياه مابيدي شي غير ادعيلك يا عيوني ..

يا اختي قصتك محزنه وغريبة مرة
ليش قرر يتركك بذي السهولة ؟!!!!
شيء غريب جداااا
وانا مستغربة لسلبية امه وش دور ابوه , اخواته , اخوانه .
تفاصيل مؤلمة ...
في سر بالموضوع يا اختي
حاولي ترسلي من يفهم القصة بس مايكون من تهاك ويكون ثقة.
لاتنسي قول ( حسبي الله لا اله الا هو عليه توكلت وهو رب العرش العظيم ) 7 مرات صباحا و7 مساء
من قاله كفاه الله ما اهمه.
لاتنسي تطمنينا والله يفرج كربتك واذا عندك ماء زمزم تضلعي منه واشربيه بنية الفرج لحديث ( ماء زمزم لما شرب له ).

زوجها حقوووود واعرف النوعيه ذي
يضحك ضحكه صفراء معها وهو يجمع على اتفه سبب وزعول ولايبي يتحمل مسؤوليه ويهمه امه ومخليها تتدخل بحياته وامكن تغار من صاحبة الموضوع وتحرض ولدها عليك
وهو زوجها انسان مدلع عند امه خصوصا وعادي عنده يبدل وشايف نفسه مرره واالدليل يوم غير مفتاح الشقه وكلم اهلها لانه حقير بالعربي ماينظر للزوجه لاشي ياخذ حاجته منها ويمشي وامه
تجيب له البديل في كل مرره
لاتتحسفين عليه
معليش انكشفت اوراقه
انا عن خبره الرجال عموما يمدحونك وكل شي ماتدرين لانتقاد بسيط منك يظهر الحقد والكيد منهم

رجعت بعد ردي قرأت ردودك ورد الاخوات وبالذات يوشا
قسم ابهرتني
يوشا لازم اجيك واقابلك وافضفض لك .
المهم يا اختي صحبة المشكلة : ماشاء الله عليك ردودك رائعة وباين بجد انك انسانة متعلمة وعاقلة وبقولك اني مريت بتفاصيل تشبه تفاصيلك بس الفرق ان زوجي مخلص ثانوي وانا اشبهك كثير :شخصية قوية , حازمة , منظمة , جامعية وهو يحبني لكن يبغاني اصير بدون شخصية وسحب علي 3 شهور بسبب تافه ولا دورت وراه وقلت انا اهلي طز فيك ., الي جابك يجيب سيد لكنه رجعني بالمحكمة وانا ماكنت ابي طلاق وعندي طفل وذلني ذل ماعمري اذليته وجلست على ذا الحال سنة وكان بس يطلع عيوب ماهي فيني هي بالحقيقة عيوبه وانا ادعي واتصبر واناقشه واستشير واسمع محاضرات عن الزوج اخرها جاب امه من الديرة وصار حتى لو كح يروح يكلمها وتعبت نفسيا وصار بيني وبينه خلاف وقالي اطلعي من بيتي قلت له ذا بيتي ( طبعا بالرسالة لانه جبان ويخاف مواجهتي ) واتصل عليه مايرد فصرت ارد له برسائل وبيت في السيارو وامه تترجى فيه وهو فرحان وانبسط وقال ما ارد لين تطلع من بيتي . بعدها امه طردتني وقالت اطلعي قلت له ابشري بس قسم لو تجوني انت وقبيلتك محملين بالذهب والالماس ما ارجع لكم.قالت طيب وبالفعل دقت عليه ووداني بيت اهلي وانا بالسيارة اعقل فيه واترجاه _ ما ابغى ولدي يتبهذل _ رجع حن ورجعني وبعد اسبوعين رجع يهدد قلت له ماتخوفني وبيت اهلي يعزني وطلق ماني خايفه منك وولدك برميه لك ( طبعا عشان مايهددني بولدني ) وبتزوج سيد سيدك . هذي مشكلة بنت القبايل لو حاولت ترفع الي زي حالتك .وهو ساكت ووداني واليوم الي بعده اتصل يقول انت طالق والله يااختي زي ذي الايام برمضان ما سكنت لي عين ولا وقفت دمعة وقلبي يدعي عليه وعلى امه وقلت يارب ادعوك وارجوك وانت وعدت تنصر المظلوم انك تبهذلهم وتذلهم وتجيبهم ندمانين وماهي الا ايام وجات امه تبوس يديني وراسي وهو يبكي ويبتهذل في المحاكم ويتمرمط ويتسب من القاضي لدرجة اني اشفقت عليه وبعدها رجعني وهو ساكت ومذلول وندمان ويبوس يديني ورجولي .
في شخصيات كذا لازم تتربى عشان تحس بقيمتك والله المربي

أرحب باالجميع واشكرهم خالص الشكر من كل قلبي
اللي تقول شكل زوجك من النوع الحقود ههه كلامك فيه نوع من الصحه مشكلته مايعرف يصارح وحتى لو سألته يطبطب على الموضوع لكنه يعرف يتشكى لأهله
انا اقول ييمكن لأن مواجهتي له تفحمه مايعرف يرد عشان كذا يتهرب
ويجلس يجمع يجمع في قلبه
مره كذا يطالعني بحقد اضحك أقوله شفيك تطالعني بحقد يضمني يقول والله مااعرف أحقد عليك
لأن قد حصلت مشكله بين أخوه مع زوجته وقالت أمه بتدخل وبتكلم أهلها لكن زوجي رفض رفض تام قال لاتدخلون الأهل تكبر السالفه خليه يحلها بينه وبينها ويقولها انا ابي كيت وكيت وكيت ؟!!
تناقض عجيب
الأخت العزيزة اللي ذكرت قصتها
ياقلبي عليك والله انا الآن مااقدر ادعي أو اتحسب عليه هو ماضرني إلا باللي سواه فاالنهاية ولا انه ضرب أو سبني لا مايسب
لكن شقول هو عصبي جدا وعنييييد
وزي ماقلتي أحيانا نحتاج نضحي عشان عيالنا زي إنتي ولدك وانا جنيني اللي ببطني تمنيت له حياة مستقره بين أمه وابوه
لكن الحمدلله على كل حال مازلت اقول الله يكتب اللي فيه الخير ويصبرني وماندري ايش يصير بكرا والحمدلله الذي نصرك ولو بعد حين


اللي تقول مستغربه من سلبية أمه وأهله
ياقلبي أهله عندهم نظام أهم شي راحة ولدنا وهو عقله براسه ويعرف خلاصه خاصة أن زوجي لعب على وتر الصورة وإني ابي اتحكم فيه ودايم اعاند على سالفة التوصيل يعني كأني مقلقة حياته وهم يبون الراحه لولدهم في محاولات طفيفه من أمه عشان الجنيين


اللي تقول هو يحبها بس يعتقد أنها متعبته وتبي تتحكم فيه باالضببببببببط كلامك هذا هو يشوف اني مسببه له قلق يبيني اخليه على راحته بكل شي
بس تبون الصراحه بعد هاالبلبله اللي سواها ومكابرته وأنه يفكر في الإنفصال صرت أشك بحبه :)


اللي تقول انسيه وطز فيه وفي الذكريات
معليش بنات الكلام جدا سهل صحيح اني ممكن أنسى بس ترا صعب ويبي لي وقت
بنات ترا مو سهل أنسى يوم عرسنا ايام شهر العسل بنات حتى علاقتنا الخاصة مع بعض تحرق بقلبي كل الذكريااااات
اصلا لو نسيت بسرعه بكون وحده مو طبيعية
مع اني اشك اني أنسى لأن عندي منه طفل بيذكرني كل لحظه فيه
دعواتكم الطيبة لاتنسوني منها