بشرى لنا..نلنا المنى..زال العنا..وأتى الهنا..تباشيـ2ـر مواليد (يولـ7ـيو &اغسـ8ـطس)

زحمة مشاعر الحمد لله ع السلامه ومبروك ماجبتي يربى بعزكم ان شاء الله
وعقبالنا جميعا الله يسهل ويتمم امورنا ع خير

الله يبارك فيكم يارب ..
ودي اكتب اكشني بس مابي اخوفكم
باختصار سويت قويه واتحمل الالم وولدت بالسياره الحمدلله على كل حال


واهم شي يابنات الدعاء الدعاء الدعاء والصدقه .. هالشيين الي اتوقع سهلوا ولادتي بعد الله ..
والشي الثاني لاتكتئبون له موعد وساعه ربي كاتبها ..
الله يسهل للجميع يارب ..


الشي الي سويته من دخل التاسع التمر ومويه زمزم مقري فيها ورد الولاده ..
والغلطه الي سويتها اني رحت طوارئ الفجر وطلع الطلق بارد والرحم مفتوح 3 ونص وطلعت على مسؤوليتي ورجعت الظهر عندي اساسا موعد ورفضت الكشف الداخلي وسويت تخطيط ومازال الطلق بارد ورفضت التنويم
احسب اني بعرف اذا جا الطلق متى الوقت المناسب ولولا امي دقت على زوجي وغصبتني اروح كان ولدت بالبيت .. الحمدلله على كل حال .. ولدي بالعزل ويعطونه مضادات خايفين عليه عشانه انولد بالسياره وانا كذلك مضادات عشان التلوث . . وبهد تعبت بالخياطه لانه طلع وشقني من اكثر من جهه .. ومااقول الا الحمدلله ..
وعقبال ماتتسهل لكم ياااارب

مبرووووك حبيبتي المولود ويتربى بعزكم والحمدلله ع سلامتكم وماتشوفون شر وتطلعوون بالسلاااامه يااااااارب


اكشنك يخووووف طيب ماحسيتي بالالام الطلق اللي يقولوون عليهاا
باقي ع موعد ولادتي 10 ايام واحس بالالام بظهرري تروح وتجي بس امي مب راضيه اروووح تقوول انتظري تووك الطلق الالامه اقووى من كذاا وتجي بالبطن والظهر .... وانا الم بالظهر وتحجر بالبطن وافرازاات كثيييفه تكرمون صفراء بدوون رائحه

زحمة مشاعر


ياعمري انتي الحمدلله اللي حت ع كذا ياربي الله يستر
من جد الوحده لازم تسمع كلام الدكاترة موب صايرة اعرف منهم اذا قالوا تنويم خلااااص تنويم البعض يخاف من الكشف وانهم يتعبونك ومدري ايش
بس اهم شي بالنهايه انت تبين سلاااامتم وسلامة البيبي
ياربي الله يجعل ماشفتي ع اجر والله يحفظك ووليدك وتطلعون بالسلامه ياااارب

انا اكتشفت ان نص نصايح الامهات غلط بغلط اذا ماكانت كلها!!!
الوحده فيها طلق وتقولها انتظري لين يشد لاتروحين ويعزرون بك المستشفى! واخرتها البنت تولد بالبيت او بالسياره او تاصل المستشفى وضعف نبض الجنين!


واللي تنزل عليها مويه تقول لها امها لاتروحين لين يبدا بك الطلق القوي هذي سوالف ولاده! وش ذا يا امهاتنا العزيزات!!


امهاتنا رحمة منهم يبوننا مانروح الا واحنا واصلييين عشان ع قولتهن مانتعذب بالكشف وكذا! بس هذا مو لصالحنا تعبنا وتحملنا تسع شهور ليش مانكمل احساننا يوم الولاده كلها كم ساعه تره
انا جتني نصايح الامهات هذي من خالتي وخواتي وكثير من اللي حولي وانا اسلك لهم واذن من طين واذن من عجين لان موب صايرين اعرف من الدكاتره وماراح ينفعوني اذا جاني وجنيني شي لاقدر الله بسبب هالنصايح
واذا الدكاتره اغلطوا فيه قانون اروح واحاسبهم، اما امي واختي ايش بسوي اذا صار لي شي من نصايحهم الخطأ وحرصهم الزايد!