الاكشن تبعي بتفصيل
طبعا يوم الجمعه بعد السحور أكلت اناناسه لحالي ورحت مشيت على الكورنيش يمكن ساعتين وبعدها رجعت أخذت دوش دافي ونمت صحيت الساعه 10 كانت فيه اشوي مويه وافرازات وكان بطني مشدود رحت على موعدي اكشفت علي قالت الرحم 2سم والمويه متسربه
قالت تعالي بعد 12 باليل تنويم ونعطيك طلق صناعي وارجع البيت أخلص أموري ارتب الغرفه
المهم رحت لهم الساعه1 باليل خلصنا الاجراءات ودخلنا غرفه خاصه كان معي زوجي ركبو علي جهاز الطلق نص ساعه قالو مافيه طلق حطو علي مضاد وراحو الساعه 5 الفجر جات الدكتوره كشفت علي قالت 2 ونص وحطت لي تحميله الطلق
بس كان بطني يشد بس مافيه الم قوي جات بعدها الدكتوره الساعه 11 ونص الظهر قالت 3 وسوت تحريض بعدها بساعتين بدأ الألم بس مش منتظم قمت امشي وأمشي بالغرفة الساعه 4 ودوني غرفه الولاده ركبو علي مغذي وجات الدكتوره قاست قالت 4 وحطت لي تحميله ثانيه وفتحت المويه حقت الجنين
بعدها بدأ الجد الم وطلبت ابرة الظهر نص ساعه وجة دكتور التخدير وعطاني إياها والله إنها نعمه ورحمه يا بنات بعدها نمت حول ساعه إلى ساعه ونص وبدأ مفعول الإبرة يروح وطلبت من النريس تزود الجرعة والحمد الله
الساعه 9 باليل جاني الم رغم أنه لسى مزوده الجرعة بس مافيه فايده قاست الممرضه قالت 8 سم خلاص ولاده وكل ماجاء الم أدفع الين جات الدكتوره على 9 ونص طلعت نور عيني غلا
بس شفتها نسيت كل الألم والاكشن وسوت لي الدكتوره خياطه تجميلية
وبس
ايه جبت بنتي ووزنها 2 كيلو 600غرام تقريبا كنت على نهايه الثامن أو اول يوم بتاسع بس الحمدالله كل شي بخير وطلعنا انا وهي بسلامه
بشرى لنا..نلنا المنى..زال العنا..وأتى الهنا..تباشيـ2ـر مواليد (يولـ7ـيو &اغسـ8ـطس)
متابعة النقاش، صفحة 301