طلب مني ان نتطلق ووافقت..وبعد الاتفاق طلب مني!!

طمنينا عليكي

تلقينه بعد العيد يرجع لاسلوبه القذر اسال الله بيوم الجمعه يفرجها عليك ويفتح لك ابواب الخير والراحه والسعاده باذنه تعالى

مدري احس مالها معنى خير اطلعي معي وبطلقك بعدها
يااااربي عليهم هالرجال حركات تنرفز

دامه ( عطشان ) وضميان ليش مايجي من الباب ويحط النقط على الحروف ويكون رجال حقيقي يتحمل مسؤلية الزواج
واضح انه متزوجك عشان يفرغ شهوته لا اكثر مثل المراهقين ولا حط لك اي اعتبار لدرجه مو مهتم بالبيت وفيك ولا يعرف المسؤليه
وشاف نفسه تورط قال اهددها بالطلاق عشان تخضع لي وتطيعني طاعه عمياء وكمل اللعبه وتورط اكثر وحاول يجيب مخرج لنفسه عشان يلطف الوضع ويلين راسك وقلبك وقال 3 ايام نتوادع عشان يطلع هو بالسليم اللي ماتنكسر كلمته وشوكته وان الصلح جاء منك
مدري اذا صح ولا غلط اللي بطلبه منك .. اتمنى تعيشينه جو الفراق والحرمان وماتردين على اتصالاته ومسجاته اذا يبي شي يجي لبيت اهلك ويرجعك بشروط تتفقون عليها ولازم اهلك يوقفون معك اولهم واخرهم بيعرفون
والجأي لرب العالمين بالدعاء احنا في شهر كريم والعشر الاواخر
الله يشرح صدرك وييسر امرك

غاليتي اسال الله لك الفرج عاجل والخيره فيما اختاره الله مافيه عيب انك تطلقين مره ولا مرتين العيب انك تعيشين حياه مسيار مع هالرجل الي يبغى يستغلك ويحقرك ويهينك اكثر ويهددك متى مابغى في الطلاق يحسبك بتنكسرين له وبترجينه لا تطلقني قام يختبرك يقول لك نطلع ثلاث ايام وداعيه تحسبينه بعد طلعتك له بيطلقك لا بيقول لك انا هونت وانا احبك ويستدر عطفك ولما يخلص منك بيرجعك بيت اهلك وان طالبتي بحقوقك بيهددك بالطلاق مره اخرى عزيزتي لا تنجرفين وراه وتهين نفسك ارضي بما قسم الله لك والله بيعوضك اخير منه ترى انا مانصحتك الا من واقع تجربه مريت فيها وبنفس ظروفك لكن انقذي كرامتك قبل ان يدنسها اكثر واكثر انتبهي تطلعين معاه لانك بتتعبين نفسيا ولا هو بيخرج من حياتك قبل ان يشبع منك