السلام عليكم ورحمة الله
انا بكتبلكم مشكلتي وابي ارائكم باللي سويته
انا ماكملت سنه زواج
والحمدلله حملت من اول شهر والحين انا بالنفاس ولله الحمد والشكر
زوجي من بداية زواجنا وانا الاقي عليه ملاحظات بس كانت من الماضي يعني قبل لايتزوجني وقلتله بتغاضى عنها لانها ماضي يعني حصلت ارقام بنات بجواله وصور وو
وراح غير رقمه وجاب رقم جديد
واحس اني انعدمت ثقتي فيه بس اجامل روحي يعني اذا تأخر اشك واذا شفته ع جواله اشك وصارت بيننا مشاكل كثيره وطلبت الطلاق قلتله لانه ماعاد اقدر اثق فيك وحياتنا بتتحول جحيم رفض يطلق ويجلس يتعذر ويحلف ويقسم انه مافي غيري بحياته
وفيه معلومه انه زوجي بديره وانا بديره لانه انا معلمه وعند اهلي انتظر انقل لديرة زوجي وباقي مانقلت
المهم انا وزوجي جوالاتنا ايفون والايميل لجوالاتنا واحد
ويوم من الايام جالس اطقطق بجوالي لانه فيه مشكله وجالسه احاول احلها وضغطت ع استعادة البيانات
دخلت الواتس الا احصل جميع الارقام بجوال زوجي عندي
عاد تفاجأت وبنفس الوقت جلست اتفرج ع الصور عند الارقام لفتتني صوره سويت بحث للرقم في النمبر بوك طلع باسم خطابة مسيار وهو كاتبه عنده باسم رجال
انا انصدمت ودارت فيني الدنيا ليه طيب !!
عاد ع طول واجهته وقلتله الموضوع قال صراحه اخر مره تهاوشنا صرت افكر بالزواج !! قلت اللي يبي مسيار معروف ايش يبي ؟قال انتي بعيدة عني اروح للحرام مثلاً ،، قلتله ماضربتك ع يدك قلتلك تتزوجني وانت عارف وضعي ،، وجلسنا نتكلم الين تهاوشنا وطلبت الطلاق وقال بطلق بس ولدي بجي اخذه ولاراح تشوفينه
المهم انا جلست ابكي قهرني شين وقوي عين ماكأنه غلط يقول لو بتزوج محد يفتح فمه علي هذا حق من حقوقي،، ماعرفت ايش اسوي
وفكرت اكلم امه ،، وكلمتها وعلمتها بالموضوع وقالت مايرضيني كذا وراح اكلمه وانتوا لاتكبرون الموضوع
قلتلها هو كبير من غير شي ،، بعد شوي من كلمتها صار زوجي يدق علي وطنشته وصار يدق فوق 6 مرات ورسلت امه لي تقول ردي عليه اسمعيله
وكلمته بالواتس قلتله وش تبي قال احبك
قلت اللي يحب مايخون قال والله ماخنتك ولا تزوجت غيرك فكره جت فبالي بوقت وغيرت رايي
قلتله يكفي انك فكرت هذا لحاله جرح لي وجلس يتعذر وانا اسف وحقك علي والله مافكر بغيرك
المهم يابنات انا للحين مجروحه منه وبس ابكي
ماني مصدقه انه يفكر بالمسيار وحنا ماكملنا سنه زواج وانا ولله الحمد ماني مقصره معه بشي وماناقصني شي
ماني قادره اسامحه احس اني كرهته حتى العيد ماودي اعيد معه قتل فرحتي بالعيد
افكر بالطلاق وبنفس الوقت افكر بولدي ايش ذنبه يضيع
شاركي في النقاش
سجلي الدخول لإضافة تعليق.
التعليقات
35- شين وقوي عين بدل مايعتذر قاعد يحط اللوم عليك
لاتواافقي على زواجه ووبس - اولا الله يفرج همك اختي
ثانياً انا ضد ان الوحده تمرر ها التصرفات وعندك
حق في اللي سويتيه بس نقول دامها اول مره وندم واعتذر اعطيه فرصه وعديها وقوليله عديتها تقدير ل امك هاالمره ومن باب ان ربي يسامح ف انا بسامحك هاالمره وبيني له انو لو لقيتي عليه شي مره ثانيه بيكون لك تصرف ثاني وخليك حازمه
واهم شي العيد عيدي وانبسطي وافرحي اول عيد عندك بيبي اكشخي انت وياه محد مستاهل تضايقين نفسك عشانه فرحة العيد كبيره - فرصه وجت لين عندك اكسبيها ل صفك
الان عيدي معه وسامحيه وقولي له ابي بعد النفاس تتدلعني ودني سفره براا مثلا لو دبي
الا اذا كان عسكري عاد يعينك الله مافي اجازات ..
اطلبي شي ثاني ثقيل يراضيك فيه ..
وخلاص دامه اعتذررر ارجعي له وفتحي مخك
وعوديه عليك
وخذي رعايه مولود واقعدي معه .. - سبب المشاكل كلها بعد المسافة بينكم انتي بمكان وهو بمكان
- اللي تقول البعد لا
انا اشتغل بمدينه وزوجي بمدينه بس ماتصير مشاكل
توه الحين نقل وجا عندي
خذي امومه واقعدي مع زوجك وشوفي وش لك وش عليك ولاحقه عالدوام
سوي زيي أخذت خمس شهور مع اجازه المستشفى صارت سبع شهور تونست فيه وقَعَدت مع زوجي وولدي براحه
مواضيع مشابهة
تابعي تجارب أخرى من هذا القسم.