زوجي والمسيار 💔

خذي رعاية مولد ود مو اقل من سنة
واجلسي في بيتك مع زوجك ورممي حياتك
ترى الرجال كووووولهم كذا
اذا مالقى زوجته جنبه بيدور غيرها لو لحيته لين السرة
اجلسي مع زوجك روقي وعطي نفسك وهو فرصة تعيشو مع بعض وترتبو حياتكم وتتفاهمو
وخليك شوي صبورة مو كل شوي طلقني طلقني
تراك بتحطين الفكرة براسه وبعدين يتجراء وساعتها والله لغير تنهبلين لو طلق
وموفقة حبيبتي

الرجل مو مثلنا بالذات مايتحملون بعد الزوجه وانتي عارفه ليه ؟؟؟؟ فلا تلومينه وزين منه حس بغلطه واعتذر .. عيدي مع زوجك وولدك واتفلي الشيطان
غير كذا لاصرتي بعيده كلمي زوجك كثير واشغليه وعطيه من ذاك الكلام واشبعيه ترا فيه رجال يشبعون بهالطريقه وفهمك كفايه ماقدر اشرح اكثر 🙈

إذا كان زوجك ناوي يتزوج مسيار بنية الطلاق
فهذا لا يجوز فهميه هذه النقطه وشوفي عن أحكام زواج المسيار
وخذي إجازه وروحي عند زوجك ولا ترجعي للوظيفة حتى يتم
نقلك لمنطقة زوجك أو استأجري شقه وخلي زوجك يجيك أيام
الإجازات الأسبوعية حتى ما يضطر يفكر بحلول أخرى ما
ترغبي أنت فيها
بعدين لا تجيبي سيرة الطلاق مره ثانية أبداً إلا إذا كان
هناك سبب شرعي
وياحبيبة قلبي حطي معلومه في مخك إذا كان الله كاتب
لك إنه يكون لك ضره راح يكون لك سواء تطلقتي من زوجك
أو استمريتي معها اللي كاتبه الله لك راح يجيك لذلك كبري
واسادتك ووكلي ربك
روحي تعيدي مع زوجك و نبسطي و تعوذي من الشيطان
أسأل الله أن يوفقك ويسعدك ويحفظ لك ابنك وزوجك ويؤلف بين قلوبكم
ويصلح ما بينكم ويجعلك تملي قلب زوجك وعقله وتكوني له كما يحب الله
ويرضى ويكون لك كما يحب الله ويرضى يا كريم

دامك بعيده عنه توقعي كل شي منه
حنا مقابلينهم ويالله الخراج يابنتي خذي اجازه وقابليه

الله يجزاكم خير جميعاً كل وحده ردت

استفدت من ردودكم وهدتني شوي

واللي تقوللي خذي اجازه الحين الاجازات بيد المديرة لازم موافقتها ومديرتي الله يهديها سيئه في تعاملها ماتوقع توافق

والمشكله اني ولدت في اجازه ماراح يعطوني اجازة وضع الا اذا طلبت تعويضيه وبموافقة المديرة بعد

الله يصلح الحال