بشرى لنا..نلنا المنى..زال العنا..واتى الهنا..تباشــــ3ير لمواليد يوليو واغسطس

ماجربتها بس طالما كتبتها لك الدكتوره خذيها مفعولها اسسرع من الحبوب

ان شاءالله محبة تكون ولدت بالسلامة

انا كتبوا لي 6 جرعات اخذت 4 بس ماقدرت اكملها

اكشن ولادتي




قبل امس بالليل رحت للسوق اخلص لَبْس العيد لبناتي
المهم بعد ماخلصتهم قلت خلني اتفضى لنفسي لأَنِّي كان
11 يوم او 12 يوم بالتاسع
المهم بعد ماافطرت رحت سويت لي كوب زعتر وبابونج وشويه يانسون وحليتهم بعسل
وشربته
وبعده يمكن بساعتين خواتي كأنو رايحين للسوق قلت جيبو لي زيت خروع وجابو لي بنكهه الشوكولاتة
ولما جت الساعه وحده اخذت نصف العلبه وحطيتها مع عصير فمتوو وشربته وانا مغمضه
واحسه قعد على كبدي الزيت ولاتسحرت بس اكلت زبادي وشربت حليب عشان الحرقان بس
ولما جت الساعه 3 جاني إسهال اعزكم الله
وبعد ساعه جاني بعد
وبعده احس معدتي اوجعتني اكثر شي. وبعده. حسّيت بضغط خفيف من تحت
وصبرت لين جت الساعه 7 عيا يجيني النوم من الظغط
فاتصلت على اخوي قلته تعال تعبانه بروح للمستشفى
قال عندك ولاده والا لا اذا فيه ولاده وديتك
قلت مدري بروح اتطمن. وموديني وهو زعلان يبي النوم
بعد ماوصلت قلت للدكتوره فيني مغص خفيف قالت تعالي على السرير وكشفت لقت 3 سانتي
قالت اصبري ناخذ تخطيط للطلق وأحس زاد ضغط من تحت مع مغص
تألمت بالحيل ومرت الدكتوره بعد نص ساعه وشافت التخطيط وتصرخ قالت لازززززززم تنويم فيه طلق مره قوي.
وصعدوني فوق وزاد الالم بالحيل. وبعد ساعه قلت نادو الدكتوره بسرعه ابي أبره ظهر انا كاتبتها بلمفي
قالت الدكتوره لا مو لازم
قلت لااااا بليز. انا ابيها. وكشفت قالت 4 سانتي وودوني
لغرفه الولاده وانا معاد أتحمل كل شوي نادو دكتوره التخدير عشر دقايق وجت وحده عجوز
بس وجعتني الابره لما دخلوها خفت أتحرك وانشل قلت مسكوني بقوه اخاف اتحرك
وتمسكتني وحده مصريه مع دكتوره التخدير الله يسعدها نفسها خفيفه وطيبه وتقولي ادعي قولي بِسْم الله الذي لايضر مع اسمه شي. واعوذ بالله من شر ماجد وأحاذر
وضامتني بقوه لين خلصت دكتوره التخدير بعد ربع ساعه
وبعده شفت العافيه يارب لك الحمد راح الالم
وبعده بخمس دقايق انكبت علي المويه
وبعده جت كشفت لقت 5 سانتي
انصدمت قلت حطي لي طلق صناعي دام ماراح احس فيه
وحطت ربع برواز الابره ماكثرت وأخذت دقايق الا احس بدفع قوي من تحت وقمت اصارخ دكتوره
وجت تركض والممرضات حست بقوه الدفع البيبي. وقمت اصارخ وتجمعن الممرضات كأنو حول خمس عندي
حسّيت نفسي بغت تطلع مع الدفع كانت بنتي كبيره شوي
حسّيت بغيت اتفجر من تحت وادفع مع صراخ.
وهم يقولون ادفع بدون صراخ عشان اكتمي الصوت.
ودفعت اربع مرات ويالله طلعت بحمدلله
الساعه 9 ونص صباح
هذا الموجز

مشاء الله الحمدلله عالسلامه هل الرحم كان فاتح قبل