المطلقة والغير متزوجة وفوق 30 تدخل فقط!!

آمين بإذن الله . وبما أني غير متزوجة وأطبق نصحيتك والحمد لله من ناحية الزواج هذه فأنا لست شاغلة باليبالمرة . كما أؤيدك بالكامل فيما قلته والسعيد من وعظ بغيره وجزاك الله خيرا على النصيحة .

انا تزوجت مرتين وكلهم متزوجين،الاول اكبر مني ب10سنوات ومتزوج وله ثلاث بنات وولد،وتبهذلت معاه آآخررر بهذلة من سب وشتم وحبس ولا تكلمي حد ولو تكلمي اهلك طالق ولو تحركي الاثاث طالق وعلى اتفه شي،وما كملت اربع شهور إلا وانا مطلقه،وتزوجت بعد عدتي منه بشخص اصغر منه ولو انه بعد متزوج لكن متقاربين فالعمر،اكبر مني بخمس سنوات ومنصب مرموق ومعروف مع انه متزوج له بنت وولد لكن كنا منجذبين لبعض متفاهمين حول سنه،فجأة تغير علي لا يكلمني لا يهتم لايسأل ،وآخرتها طلاق مفاجئ!!لو رجع بي الزمن ورا ما سوي بنفسي جذيه واتنازل وارضى بالقليل!!

انا عمري 36 سنة وماني متزوجة وعايشة حياتي مبسوطة واخر همي الزواج لان كل شي مكتوب ومقدر لنا من رب العالمين يعني اذا الله ماكتب اتزوج مستحيل اتزوج ..على فكرة انا جميلة وموظفة بس ربك ماكتب والحمدلله

الزواج صعب هاذي الأيام و الناس في مجتمعنا صعبت الزواج و حطت عقبات و شوك في الطريق
المتزوج و المطلق بأطفال عندي ما يفرق بينهم شيء الاطفال مسئولية و تربيه و اي غلط يؤذيك في سين و جيم من الأب و بعض الاطفال خيالهم واسع و يسوون مشاكل و اللي تقدر تتحمل مسئولية اطفال غيرها و عندها قدرة راح تتخطي المرحلة و بس نسبة النجاح اقل من 50 و يمكن 0
عيال الزوج مي مثل اخوانك تتحملين مسئوليتهم
افضل المطلق بدون اطفال و كذلك أرمل بدون اطفال او اعزب ما أحب المشاكل و الاطفال ناقلين اخبار و معلومات مخبرين سريين سلاح فتاك
تعلمت من عيال اخوي عانينا و نعاني تخيلي بنت و فجأءة تتحملين تربية اطفال و الأب يقول لو تزوجت مالي علاقة فيهم و امهم متبريه منهم
ا لتفكير في مستقبلي اهم افضل من أني أرمى نفسي في حفرة و ا ندفن فيها او مستنقع اغرق فيه مافي احد راح يفكر فيني
الرجال المتزوج و المطلق بأطفال همه اطفال و ما ألومه بس البنت انت راح تصيرين يا ملكه عندهم يا شغاله
الكل له وجه نظر و هاذي وجة نظري للي ما مسكت او اعتنت بطفل

انا حالي مثلكم عمري 30 ومطلقه كنت ادعي ربي كثير وسبحان الله للان ماصار نصيب لان كل شي مقدر لنا ويمكن ربي كاتب لنا الافضل كثرة حالات الطلاق والعنوسة لو احنا مثل مجتمعات الخليج بالاختلاط والحجاب يمكن احد شافنا وخطبنا لكن للأسف احنا بمجتمع حسود محد يتمنى الخير لثاني ولا وش يمنع اي شخص يسعى لجمع راسين بالحلالوانا اقصد هنا الرجال بعد المفترض ان سمع احد من اخوياه اقاربه بيتزوج وهو يعرف مطلقه بمحيطه يذكرها له والعكس لو فيه نساء يسعون بالخير ويذكرون لبعض ان كان فيه رجل كفو لزواجترا الرجال تظن ان الزواج صعب بسبب غلاء المهور والتكاليف بس مايدرون ان فيه بنات تدور الستر والرجل الصالح محدثتكم صار لها موقف .. كان فيه ناس تبي تخطبني وقريبتي هذي صرفتهم بحجج غبيه من زود الحسد والغيره ماتبيني ادخل معها بجماعتها لكن الدنيا دوراه ودوام الحال من المحال