اول مره اطلب مشوره وباذن الله ماتخذلوني

السلام عليكم
باحاول احيط الموضوع قدر الامكان عشان تكونو بالصوره
انا متزوجه من ٧ سنوات ونصف ...تزوجت ولد عمي انا جامعيه وهو عنده فقط شهاده ابتدائي وابوه اللي هو عمي عايش ع الضمان عاشو حياه فقيره اغلبها حرمان هو تعود ع المسؤوليه من هو صغير ...كان يكلف باعمال اكبر من سنه عشان كذا ماقدر يكمل دراسته...تزوجته وانا مقتنعه الف بالميه لانو كل هالامور ماتهمني وعمرها ماتعيبه
تزوجته ويشهد الله بدون مهر ولاذهب ولاشي وبقناعتي الشخصيه مااحد ضغط علي وماسافرت شهر عسل ولارحت اي مكان ولاضغطت عليه لاني عارفه انو من جوه محروق وده يقدم لي بس مابيده شي
تزوجته وماكان بيدنا الا ١٠٠٠ ريال والله شاهد علي ...
هو كان جندي بالجيش وراتبه ضعيف ونصه للبنك طلع قرض اول ماتوظف عشان يعمر لأهلو بيت وكل ديونه عشان يحسن معيشه اهله عسى الله يعوضه
تزوجنا وتاخرت بالانجاب ٥ سنوات وكان ضغط نفسي علينا من جد والسبب كان من زوجي ويشهد الله علي ماحسسته بشي بالعكس كنت متحمله واشجعه ع العلاج بس هالموضوع مره كان ماثر نفسيا عليه وانا راعيت وتحملت كل شي لاني مقدره
كان يقول المال والبنون زينه الحياه الدنيا بس احنا لامال ولابنون
وكنت اصبره واشجعه بس حسيته كان مره متحطم كنت اتعب نفسيا بسبب حالته واكتم بقلبي عشان مايحس اني متضايقه عمر دموعي مانزلت قدامه عشان مايحس او يجي بخاطره انو عشان الانجاب او عشان ظروفنا الماديه ....
اهلي بدو يعيرو فيه للاسف ويضغطو علي عشان اتركه واتطلق وظلموه واتهموه بامور كثيره ويشهد الله كان مظلوم فيها
انا دافعت عنه وتحملت النتيجه عشانه دايم يذكروني بحالنا عمري ماجلست معهم اقصد اهلي وانا مرتاحه
دايم يحسسوني بالنقص ودايم طاري حالنا ع لسانهم ومقارنه بين زوجي وازواج اخواتي وحالتهم ...ومع هذا تحملت وحطيت لهم اعذار بس عمر كلامهم ماغيرني على زوجي بالعكس كنت اقول لهم كل كلمه تقولوها بحقه ترفعه بعيني اكثر لين طفشو وعرفو مافي امل اخليه او اتطلق
ع فكره زوجي كان يحس بنظرته لانو كانت تنقال قدامه تلميحات من ابويه بس كان يقول عمي ويمون وماراح ازعل عليه ...هو شخصيته طيب وحنون ومايحب يغلط ع احد
ربي رزقنا بعد ٥ سنوات زواج ولله الحمد بفضل ربي لكن سبحان الله خرت فرحتنا لانو بنفس الشهر اللي ولدت فيه جا زوجي مرض جلدي لدرجه ماعاد قدر يداوم بالعمل واشتبهو بسرطان الجلد الله يكفينا وجلسنا بضغط نفسي رهيب لحد ولدت والله ماحسيت بفرحه الولاده لانو ايامها كان شاد المرض عليه والحمدلله طلعت بعد شهر ونص نتيجه تحاليله بالعسكري انو مش مرض السرطان عنده مرض الصدفيه واكزيما شديده بالجلد
وظل يتعالج علاج بيولوجي لمده سنه كامله وقتها ماكان مسموح له يداوم
وبعد سنه ونص اجازه قررو له بعد معاينه اللجنه الطبيه بالرياض تقاعد مبكر هالموضوع مررررررررره اثر فيه نفسيا كان وده يواصل العمل خصوصي انه لسه ببدايه حياته العمليه ماكمل حتى ٩ سنوات واللي زاد الطين بله انو الحين لنا ٥ شهور مقطوع راتبه واجرائاته ماانتهت بالعمل وصار فيه تاخير وحوسه وماتتخيلون كيف مرت علينا الخمس شهور اجار بيت متراكم حالتنا حاله عالم تذلك بحاجتك واشتغلت شماته بعض الناس كانو المرض هو ذنب زوجي اعوذ بالله من قساوة البشر وجبروتهم
وانا حاليا حامل لي ٦ شهور والحمدلله ولاحظو مايمديني اتهنى لابحمل ولابولاده الا ويصير ظرف والله شاهد علي راضيه ومتحمله وصابره وكاتمه بقلبي قهر شديد شفته من الناس بهالظروف
مو مصبرني الا استشعار نعمه الذريه اللي ربي كرمني اياها بفضله رغم مشاكل زوجي بالانجاب والدوالي وزاد عليه الصدفيه والادويه اللي ياخذها بس الله رحيم بعباده
المشكله هي حاليا بنفسيه زوجي مع كل هالظروف اللي حصلت لنا ومشكله انقطاع الراتب حاليا
مره اثرت عليه نفسيا وصحيا وزادت عليه الصدفيه...يفكر فينا كيف بيصرف علينا وعلى اولاده واجار البيت المتراكم والالتزامات مرررره اثرت عليه بشكل ماتتخيلون يابنات
صاير وقته كله نوم اجي عليه القاه يبكي .... يحس بخمول وتعب عام بجسمه ...دايم سرحان الابتسامه والله يابنات فارقته
يدي تربطت وربي مو عارفه ايش اسوي وكيف اواسيه ماخليت شي ماعملته والله عشان اخرجه من هالحاله مو قادره اتحمل اشوفه كذا وانتو تعرفون نفسيه الحامل
انضغطت بكل هالظروف مو عارفه اواسي نفسي والا زوجي والا اهتم بولدي والا باللي ببطتي احس ان حاله زوجي اثرت علي بس ابدا ماحسسته ماابغى ازيده دايم اصبره واقنعه انو فقده للعمل خيره وربي ان شاء الله بيعوضك وبيفتح لك ابواب رزق ثانيه بس احسه مررره ياأس وحالته النفسيه ضغطتني لدرجه احيانا احس نفسي مكتومه مو قادره اتنفس ادخل الحمام واظل ابكي لحد ارتاح واطلع ماابغاه يشوفي ولاولدي ابيه يشوفني
قدمت هالشهر معروض لاحد الامراء قلت نجرب لعل الله يبعث لنا من البشر اكرمهم ويساعدنا بهالظروف ع القليله تتسدد ديون زوجي بالراجحي ويعجلون لنا باستحقاقاته بالعمل
ولكن ماجا رد والحمدلله ع كل حال
وظايف ودورت وماخليت ولامحل لكن الله مااراد ..وانتظر نتيجه المفاضله لعل الله يفرجها ...اشتغل حاليا ابيع واشتري ب ملابس بس ماش الربح ينصرف بيومه مايمديني اجمع شي ....وماعندي راس مال عشان اشتري اي بضاعه حاليا
بنات بالله دلوني ع شي ممكن يكون مخرج لحالتنا الماديه وابغى اي طريقه اخرج زوجي فيها من حالته النفسيه لان والله حالته تبكي الصخر ويشهد الله ماخليت شي ماسويته معه بس ماقدرت اخرجه وانا تعبت احس طاقتي بدت تنفذ واناةشرحت ظروف زوجي عشان تعرفون انو ممكن اللي فيه تراكمات سنين خلته يوصل لهالحاله
ابغى شي يرجع طاقتي ويرفع معنوياتي ...عشان اتحمل كل هالظروف ....
اعتذر اطلت عشان تكون الصوره واضحه من جميع الجهات
وانا والله انسانه مؤمنه وراضيه بكل شي ...وانسانه احب التفاؤل مهما حصل ....بس ماحسيت احد ساعدني كل اللي اشوفه حولي احبطني وقلل عزيمتي
ايش اسوي اكثر من اللي سويته ...مانزلت الموضوع الا اني راجيه احد يوجهني لحل ممكن يكون غاب عني ...مو متعوده اشكي اول مره بحياتي اشكي كل اللي حولي يظنون اني قويه ومو مأثر فيني شي ...بس من الداخل بديت اتعب
العيد بعد بكره كل ماحاولت ادور شي يفرحنا ...يغير جونا شوي يجي شي يخربه
ودعواتكم لنا انو ربي يشفي زوجي نفسيا وجسديا ويفتح لنا ابواب الرزق اللي تغنينا حاجه الناس
ودعواتكم لي ربي ييسر ولادتي ويخليلي ولدي والله العظيم مو مهون علي الا وجودهم بحياتي

58 تعليق 8,508 مشاهدة

شاركي في النقاش

سجلي الدخول لإضافة تعليق.

التعليقات

58
  1. @tang_2

    الله يفرجها عليكي ويرزقكي من حيث لاتحتسببن، سجلوا بالضمان ، وادخلي بالبازارات بيعي اي شي شوفي لك تجاره العاب اطفال بلونات اي شي ، او شوفي الكافيهات والكافتريا بالجامعات والله افكر واحوس واكتب الي يمر بخاطري والله يساعدكي ويعينكي ويشفي لكي زوجكي ولاتحتاجين احد، اذا لكم مكان تطلعون من الاجار اطلعوا عشان ماتتراكم عليكم الاجارات وبااذن الله تفرحين بالتعيين ويعوضكي ربي ،قلبي معكي ودعواتي لكي والله ارحم الراحمين وربي يشفي كل مريض ،
  2. @tfahh_1402

    أسال الله رب العرش العظيم ان يفك كربكم ويعطيكم ماتتمنون اختي انتي من وين ووين ساكنه ووالله اني أفكر كيف اساعدك مع أن مابيدي شي غير الدعاء
  3. ياحبيبتي انتي عسى ربي يفرجها عليج وعلى زوجج ويرزقكم من غير لا تحتسبون .
    اختي بالله عليكي تلزمي الاستغفار يوميا استغفري 1000 مره او اكثر وشوفي ربنا كيف راح يرزقكم .
    والله يااختي مااعرف شقولج . بس مافي معارض عندكم تسوين اكل وتبيعينه؟
    او انج تسوين حروف من ورد وتبعينهم . فلين تقصينه وتزينينه بورد اصطناعي. هذا الحين الناس كله هابه فيه وتشتريه.
    يارب يرزقكم ويسهل اموركم يارب.
    والله انج انسانه طيبه وفيه ماشاء الله. تحملتي وصبرتي وان شاءالله ربنا يعوضكم ويرزقكم يارب
  4. @am_fofy_alhlo

    اسأل الله ان يفرج همك ويفك كربك ويشفي زوجك شفاء لا يغادر سقما
    عليك بدعاء الكرب لا اله الا انت سبحانك اني كنت من الظالمين
    واكثري من الاستغفار

تابعي تجارب أخرى من هذا القسم.