زواجي قريب.. وزوجي رأيه أن أتكفل بشراء أغراض المطبخ<<< مُعدل

السلام عليكم،


حبايبي ابي رايكم. انا موظفة ومملكه وزواجي بعد شهر ونص، وزوجي الحين يجهز البيت وقالي شرايج انتي تجيبين اغراض المطبخ ( مثل الصحون والقلاصات والجدور) لانه ما يعرف وذوقه مب حلو وانه بس اجيب اشيا بالف او الفين.
بنات انا ما عندي مانع شخصيا اني ادفع ل هالشي بس عندنا عيب خاصه انه قبل العرس والتجهيز يكون كله على الريال. وخواتي يقولون لو دفعتي قبل العرس بعدين بيدخلج في مصاريف البيت كلها ولا تعودينه لانه يمكن يختبرج لو بترضين اللحين، وامي مو راضيه.
وبنفس الوقت لو قلت له عيب وما يصير اخاف يحسبني بخيلة.
شوروا علي بنات شنو اسووي؟؟

20 تعليق 4,406 مشاهدة

شاركي في النقاش

سجلي الدخول لإضافة تعليق.

التعليقات

17
  1. @bdon_nk_okly_lk

    قولي له جيب اي شي حبيبي انت ذوق انا صعبه مشغولة واجهز والناقص اكمله معك بعد الزواج جيبو الأشياء المهمه والباقي قضوه بعد العرسانا كذا يوم تزوجت بعد الزواج رحت مع ريلي وشريت المواعين والأغراض الي نفسي فيها
  2. @amon27

    بسيطه قولي له ياخذ اسياء بسيطه عادية وبدائيه،قدر ملعقه امور عاديه لا تربكون انفسكم من أولها،طبيعي اي بيت توك تنقل فيه تنجبر تجهز له حتى لو عندك مسبقاً فما بالج لو توكن معاريس وفي بداية الزواج،أما انتي تشتري من حسابك لا تسويها رأيي من رأي خواتك،أولا بيتعود اليوم اصرفيعلى شويهةمواعين بكره انتي تطلعين تشتغلين وتصرفين وهو مرتاح!!بالاول ادخلي بيته..ارضي بالقليل..كيّفي نفسك وعوديه على اللي بياخذه..خليه يتعلم ياخذ ويقضي حاجة البيت بنفسه..وعلميه ياخذ شي بسيط بيّني له إنك حريصة على حلاله يأمن لك ويعرف انه ماخذ انسانه حريصة على رزقه يهدأ ويبطل يطلب
  3. @am_assyl

    نصيحة مني بلا ما يتعود انو يتكل عليك قوليله اذا فيك تعطيني المبلغ وبجيب فيهون اغراض المطبخ لأني بساعد اهلي بأشياء كتيرة
  4. @amnyat_dayaa_1

    قولي نجهزها بعد الزواج


    وروحي وانتي عروس واشتريها على حسابه




    انتبهي منه
    ترى كل شي على البداية


    لاتغلطين غلطتنا اول شي نسوي حالنا كريمات وراعيات فزعة الحين غصب




    وليتهم يذكرون
    سبحان الله الرجال مايذكر طيب المرة معه


    الله يسخره لك ويوفقك

تابعي تجارب أخرى من هذا القسم.