بشرى لنا..نلنا المنى..زال العنا..واتى الهنا..تباشــــ3ير لمواليد يوليو واغسطس

متابعة النقاش، صفحة 214

شاركي في النقاش

سجلي الدخول لإضافة تعليق.

التعليقات

2,233
  1. الحمدلله ع سلامة الوالدات
    جعلهم الله من مواليد السعااااااده
    وربي يسهل للباقين وانا معكم
    نوف الطيوبه
    بسالك عن الزعتر عادي اشربه الحين والا لازم معي الطلق خلاص بقي يومين وأكمل التاسع 😥
    وفاء
    رحتي كشفتي بخاص او حكومي
    ودي أراجع واتطمن بس مااعرف كيف الدوامات بالعيد ومتى اروح لهم لان دكتورتي القريبة مني اخذت اجازه 😭
    يارب سهل علينا خلاص خلص عيدنا خخخخ
    ببدأ ادور ع اشياء تسهل الولاده بعد الله وبشرب حليب وعسل وزعتر الله المعين
  2. دلوعته وين تشربين تووك بدري ..افضل شي تشربينه في الاخير عشان خلاص يكون الجنين نازل وعلى وشك ولاده وتتسهل بإذن الله ..لاكن اللحين تووك وصعب يكون الرحم مفتوح وانتي ماحولك ولااده ويمكن يصير لك مشاكل لاقدر الله ..يابنات لاتستعجلون خلو الولاده ليومها المكتوب ..انا على الرطب وبس حتى المشي مامشيت وكل يوم اقول بكره بأمشي الله يعين وبس
  3. @mhb_alkhyr2007

    جزاكم الله خير كل الي دعو لي
    بقولكم الاكشن اقصد فلم الرعب طبعاً انتم ماتقيسو نفسكم في لان زي ماقلت سابقاً اني حاله خاصه طبيت في ناس ماتخاف الله
    المهم
    رحت الاحد مراجعه عاديه للمتابعه وكانت من قبل يجيني زيارات للطلق زي الم الدوره لو تفتكرو لمن كنت اقول لكم
    ومااهتميت لانها خفيفه وتجي وتروح وخاصه في وقت النوم
    وكمان جاني اسهال الله يكرمكم وسئلتكم وقلتو قربتي
    واكدت لي ابغى ارتاح انه جاها اسهال. وولدت عشان كدا تفائلت
    ولمن دخلت ع الدكتوره كشفت وقالت 2سانتي ولمن مسكت بطني
    قالت فيك طلق وعشان نتأكد اعملي تخطيط
    وعملت وكان فيه بس مو الطلق الي ممكن يحجزوكي فيه المستشفى للولاده
    وقالت خليكي قريب من المستشفى لانك ممكن تولدي اليوم او بكرا بالصباح يعني في اي لحظه
    ورحت عند اهلي لانهم قريبين من المستشفى
    وجلست عندهم وشربت قرفه بالحلبه وحطيت عليها عسل حضرمي اصلي
    كان الساعه 10 في الليل لانها هي قالت لي اشربه
    والساعه 11 شربت خروع مع عصير اناناس.
    وروحت امشي بالممشى مع اخوي
    ورجعت البيت واتعشيت وكل ماحسيت بالام الطلق ادخل الحمام اجلس في مويه حاره وكان يريحي واحس الطلق مع المويه زاد
    وانتظرت لحد ماصليت الفجر وبدا يزيد علي وكنت اجلس القرفصاء لمن يزيد علي ورحت ع المستشفى تخيلو خلوني انتظر دوري في الطواري لانه ماكان في سرير عندهم فاضي
    وكل مااكلم الممرضه تقول لسه مافي سرير
    قلت لهم يعني اولد في الاسياب ولا كيف
    وبالعافيه دخلوني وعملت تخطيط وكشفشت لقيو فيه طلق والرحم فاتح 4 سانتي
    وطلعوني ع غرفة الولاده دخلت الساعه ست ولدت 8
    تعبت وقت الولاده لانه اجهدت نفسي قبل الولاده بالمشي كثرت
    وماخلى عندي قوة للدفع
    فلمن جاء وقت خروج الراس يقولو ادفعي ماني قادره جاني ضيق تنفس وانطبق صدري لدرجه حسيت عظام صدري خرجت
    وكانو عندي ثلاث دكتورات
    وست ممرضات يضغطو على بطني وماقدرت ادفع وهم ضغطو علي والدكتوره شقتني وولدت بعد ماخلاص روحي طلعت
    وكملتها الدكتوره تقولي اصبري بنظف لك وتدخل يدها كلها وبحاجه خشنه والله اعلم سببت لي النزيف وانا خلاص اغمى علي
    وامي وزوجي قالو لي انه طلبوهم يقعو على العمليه لفتح البطن عشان النزيف وعشان يشيلو الرحم ان احتاج
    وامي خلاص منهاره وخلتو يوقع
    ودخلت العمليات من 9صباح لحد6 العصر وعلى طول ع العناية المركزه جلست فيها 4ايام شفت فيها الموت كله الله يعظم الاجر يارب
    جاني مغص فظيع تاني يوم من الولاده غير مغص الي يجي بعد الولاده الي سببه رجوع الرحم مكانه
    انهم حطولي قسطرة الدم في مكان العمليه
    وهي زي القربه تجمع الدم الدم فيها ويفضوها في علبه ولمن يفضوها تنتفخ بطني واللي تبعها ظغط على الامعاء ومنع الاخراج الله يكرمكم ومنع خروج الهواء وبطني صارت بلونه وبموت من الالم واقول للدكتور هي السبب يقولي حرام عليك مو هي هي تنزل الدم عشان مايسبب لك التهاب
    واعطوني شراب ملين وماد الا زاد الطين بله ونفخها زياده
    وجابو لي دكتور جراح ماهو عارف السبب دخل لي لي طول 50 سانتي يدخل من الانف لحد المعده عشان ينزل كل الاوساخ الي داخلها وماعملي لي شي غير خلاني استفرغ
    واتعب وبعد ماركبته ودوني اعمل اشعة مقطعيه يمكن حول ثلاث مرات وبالصبغه مارضيت اكملها وعملو لي سونار دبلوبر من الرحم
    واشعة اكس راي
    واخر شي جابو لي دكتور جراح برفيسور ودخل اصباعه في فتحت الشرج بقوه عشان يوسعها ولكم ان تتخيلو كميه الالم
    غير الم الخياطه الي في الرحم لمن يدخلو يدهم فيه ويشوفو وقف النزيف ولا لا آه يارب الاجر
    وبرضو طبعاً ماعرفو السبب واقول للدكتور من القسطره تبع الدم مو مصدقني وجاتني كحه فظيعه خلت اللي تبع القسطره يدخل ويظرب بقوه في بطني كانه سكين وبعدين راح خلى الممرضه تنزله
    وربي يابنات لمن نزله نسمت بطني وكأن روحي رجعت من جديد
    وكان هذا رابع يوم لي في العنايه المركزه اقصد المجزره
    ومابغو يخرجوني منها الا بالعافيه وقلت يلا برتاح منها لغرفة التنويم عشان يسمحون كمان الزياره ويجو الناس واغير جو
    الا هلكوني ابر جسمي كله ابر والله ماخلو مكان في الا مشكوك ابره المغدي
    ونقلو لي ست اكياس دم والكيس السابع طلبو مننا نجيب متبرع من عندنا وجبنا ومانسبني والله اول ماركبوه جاني الم في صدري قوي وبعدين رقبتي ولغايه رجولي والله خلاص حسيت قربت النهايه
    صرخت قلت نزلوه بمووووت ومايبغو الممرضات المجرمات ينزلوه
    زوجي بهدلهم واخواني والحمدلله انهم كانو موجودين
    لانهم السبب بعد الله الي خلوهم يوقفوه
    وانا شوي وبيغمى علي وقال الدكتور بنعطعيها محلول لو ماتعبت معناته صحيح من الدم
    وماتعبت الا ارتحت لمن اخدته وجسمي انتفخ زي البالون والله
    خلاص وقتها حسيت اني بودع الدنيا لولا رحمة ربي بي
    والحمدلله اليوم خرجت انا وابني واتشاهدت والله لمن كتبو لي خروج من المستفشى
    المستشفى هي الاطباء المتحدون والدكتوره المجرمه ناهد فاروق
    الله لايسامحها لادنيا ولا آخره
    تخيلو جايه بمكياج فل كانها رايحه زواج من ع الصباح
    وطبعاً هم مايولدو الاقيصري فهم استغربو ليش دي تولد طبيعي
    تخيلو عندي طلق وتبغى تعطيني طلق صناعي وماخليتها قلت لها انا عندي طلق وتعطيني حقدت علي وشكلها جرحتني بالعاني عشان تعرف كيف تطلع مكسب للمستشفى
    تخيلو الدم كان 12 وصل 6 او 5 ونص
    بغت تموتني الله لايسامحها لادنيا ولا آخره
    وخلت رجال يعملو لي العمليه وانا عمري ماكشف علي رجال
    حسبي الله عليها ونعم الوكيل


    طولت عليكم بس ابغاكم تنبهو على نفسكم من دي المجزره الي اسمها الاطباء وهم المجرمين
  4. محبة الخير2007
    جزاكم الله خير كل الي دعو لي بقولكم الاكشن اقصد فلم الرعب طبعاً انتم ماتقيسو نفسكم في لان زي ماقلت سابقاً اني حاله خاصه طبيت في ناس ماتخاف الله المهم رحت الاحد مراجعه عاديه للمتابعه وكانت من قبل يجيني زيارات للطلق زي الم الدوره لو تفتكر…
    الحمدالله على سلامتك وان شاءالله اخر الالم والله قصتك تسبب لنا رعب الله يسخرلنا الاطباء والمكان والسهوله في الولاده ..الف سلامه ماتشوفي شر

تابعي تجارب أخرى من هذا القسم.