شورو علي يابنات بسس

شوفو يابنات واحكموا من الغلط فينا انا حسيت باهمال زوجي تجاهي وكان ليله العيد
مااتصل الا خمس الفجر يبي يمرني كنت عند اهلي وانا ارسل له واتس مايرد ولا ابي اتصل عليه لانه يهاوشني
مايبي افشله عن اصحابه 😤 المهم كنت ودي ارجع قبل الفجر ونروح نصلي العيد سوا بس رحت من اهلي ولما جيت مرني ونزلني وطلع للاستراحه مارجع الا عشر ونام ومن بكره نفس الشي انا طول الليل لحالي نايمه وهو ماجا الا تسع الصباح ونام وانا كنت ابي اطلع مع اهلي المغرب وهو نايم. جت 8 الليل وهو نايم ويعيي يقوم وانا اعصب مره واتصل على اهلي قلت لهم يمروني وهو عصب مره ليه اقول لهم يمروني وتهاوشنا وهو وداني واتصل وقال انه بيسافر يومين هو معلمني قبل بس قال مو اكيد المهم انه سافر ولا اتصلت عليه ولا اتصل ولا شي بس سالته متى يرجع وعلمني واليوم اتصل وقال انا وصلت تبين امرك الحين وانا ماستعديت وقلت لا لاتمر وسكر على طول والحين مدري وش اسوي احس اني غلطت لما اتصلت على اهلي بس بنفس الوقت هو قاهرني ويمكن من اشباء ثانيه وتراكمت مع انه طيب الحمدالله شورو علي وش اسوي

4 تعليق 1,408 مشاهدة

شاركي في النقاش

سجلي الدخول لإضافة تعليق.

التعليقات

3
  1. @0am_ryma0

    ياقلبي لاتكبرين الموضوع اذا اتصل عليك علشان ترجعين يمكن اذا مارجعتي يسحب عليك ويطنشك ويتركك عنداهلك وتدخلين بمشاكل ثانيه الله يصلح حالكم
  2. هونيها ياختي

    دام زوجك طيب معك

    لازم تتغاضين عن بعض الأمور علشان تمشي حياتكم بدون زعل ومشاكل

    الله يهديه ويسخره لك يارب

تابعي تجارب أخرى من هذا القسم.