ولاده سهله

  1. السلام عليكم ورحمه الله وبركاته

كيفكم حلوات وحوامل
المهم بدخل بالموضوع ع طول
انا انسانه متهوره من الله خلقني
احب اجرب واشوف تجارب الناس يمكن السبب ان تخصصي معتمد ع التجربة
حملي الاول كان الحمدالله سهل لأكن ولادتي تعسرت حييييل
لدرجه انه جلست 38 ساعه قبل الولاده
أقولكم السبب
كان كل شي عندي كويس وانا من النوع اللي ما اجلس اشتغل يعني ما ادلع عمري
وانا بالاسبوع 38 من الحمل جلست اقرأ عن تجارب النسوان بمسهلات الولاده
شربت قرفه صدقوني كذب من قال تحمي الطلق او تفتح الرحم بالعكس سمكت عنق الرحم عندي
والشي الثاني اللي قريت عنه وجربته العود الأصلي
تبخرت فيه كم مره وهذا اللي يمكن سبب لي شمم وخلاني أتعذب والرحم ماكان يفتح
كنت فيوم من الأيام مخلصه شغل البيت ومو حاسه بولا شي جالسه امشي بالصاله المهم الا صوت زي الفلين طق وبعدين نزلت السداده والمويه انكبت علي ارتعبت مووت
وطيران ع المستشفى رحت لطوارى دله قالت الرحم بس 1 ونص فاتح بس لازم تنويم عشان المويه نزلت
جلست 38 ساعه يعطوني التحاميل المحرضة ولا فتح سانتي زياده وشوفو انواع العذاب والالم والطلق حتى الاكل ماكنت اكل من التعب ولا انام بعدين رحمتني طبيبه ونزلتني لغرفه الولاده واخذت طلق صناعي بالوريد وبعد 4 ساعات ولدت الحمدالله
والآن انا حامل ماشاءالله بالشهر التاسع وقبل موعدي اخر اسبوع من رمضان كان معي طلق بالليل والدكتوره خبرتني من قبل ان ولادتي ممكن تكون بالاسبوع 38 اللي هو اخر اسبوع من رمضان ولما شفت الطلق معي لأكن كان بارد قررت اتهور بعد واشرب زيت خروع مع عصير المهم بعد كم ساعه بدا الله يكرمكم الإسهال وبعده الطلق الحامي ماقدرت انام منه لين جاء وقت الموعد الساعه 11 الظهر لما كشفت علي قالت 1 ونص بعد بس قالت انه البيبي بالحوض والمويه مسربه وسوت سونار وفعلا المويه ناقصه بس مو كثير وقالت امشي وبعدها اختفى كل شي الحين بخلص الاسبوع 39
الغرض من كلامي وتجربتي لكم انه لازم نقتنع ان المسهلات كلام فاضي ممكن تضرنا مو تنفعنا اذا فيه شي يسهل الولاده فعلا هو المشي والرطب والعسل والجماع
غيره لاتهورون ممكن هالشي يقودكم للقيصري مو الولاده السهله وبعدين له وقت راح يجي فيه ولاحقين تبون الصراحه ع الصياح والرضاعة بالليل ومشوار النونوات <<قولي لنفسك اول
يلا ابغى اسمع تجاربكم بالمسهلات
وأي اسبوع بالحمل ولدتو

8 تعليق 33,670 مشاهدة

شاركي في النقاش

سجلي الدخول لإضافة تعليق.

التعليقات

8
  1. @bayaa_almsk

    احسنتي ياليت الكل يقراء كلامك


    بس الرطب مايسوي شي ولا له دخل بالولاده الا اذا معك طلق حامي لكن تاكلينه ومامعك طلق مايسوي شي
    هو مهدى للانقباضات بالرحم
    التمر اذا مزج معه شي صار مفيد للرحم ينزل الاوساخ والدم الفاسد يعني يمزج معه رشاد بالنفاس كذا عذا مزج معه شي من الاعشاب صار محفز للرحم لكن لوحده ابدددددد سبحان الله مايجيب شي ولا يضر الحامل بشي


    لذا السيدة مريم اكلته ومعها طلق حااامي وغير محتمل لانها تمنت الموت قبل هاليوم يوم الطلق
    فامرها الله تاكل تمر عشان الانقباضات تهدى وتخف واصير تقدر تسيطر على اللتقباضات
    اذا الطلق حامي وورو بعض ماتقدر الوحده حتى تاهذ نفسها يصعب عليها الدفع فالتمر يهديه عشان يسهل عليها الدفع وتقدر تنضم الحرمه الدفع مع الطلق فبسهوله تقدر تولد
    وبعد انرها الله عزوجل لان الجوع يسبب تعسر ولاده وهذا نقطه مهمه الجوع يهد الحيل وماتقدر الوحده تسوي شي وهي جوعانه ولا حتى تفكر اذا الواحد جوعان مايوجد بجيمه طاقه يبذلها وينهد حيله بسرعه لانه ماعنده طاقه عشان مذا الجوع بسبب تعسر ولاده
    الله امرها تاكله عشان تسد جوعها وتشرب معه مويه مو بس تمر ومويه مذكور بالقران قال الله عزوجل (تحتك سريا) يعني جدول ماء ( كولي وشربي) تاكل تمر وتشرب من الجدول


    التمر يولد طاقه لانه موجود فيه نسبه كبيره من السكريات زي الاطفال اذا اكلوا شوكولاته وحلويات يزيد تندهم النشاط السبب السكريات تولد طاقه كذا التمر ممتاز يولد طاقه كبيره ويعطي الجسم اللي يحتاجه


    المهم التمر انا اكله بكل حملاتي من اول شهر لاخره بدون عدد معين والله اوصل لحد ال13 وانا اكله لحد ماشبع لانه يفيد عقل الجنين فيزيد ذكاءه ويفيد صحته


    لذا التمر لازم يكون معك طلق قوي عشان يهدي الانقباضات مو مغوص بسيطه


    اما تسهيل الولاده ابد مافيه ززززززي الورد ورد تسهيل الولاده عن تجربه لي ولاختي ولبنات هنا
  2. @aathb_albsm

    نفس حكايتكك قلبي. ونفس اللي صار معي. بحملي اللي قبل هذا طفشت من الحمل وودي اولد بدري خصوصا كنا في عيد الضحى ولا ابغى اداوم ولسا ما ولدت. شربت قرفه. شربت مدري ايش. تنقعت بحمام ماء دافي. سويت كل شيء من يوم الثلاثاء ليوم الاربعاء ورحمي مفتوح 3 سم ولا رضي يفتح اكثر من كذا. رغم كل اللي سويته. ويوم الجمعه بالليل 2 الصبح. جات الطلوق. كذا من كيفها. يعني سبحان الله ربي محدد له وقت يخرج راح يخرج فيه.


    بس على ولدي الكبير استخدت حاجه وهي حمت لي الطلوق بسرعه وانفتح الرحم كمان بسرعه. مدري صدقه او لا. اللي هي الحذاء الصيني الطبي. اللي فيه زي النتؤات. لبسته باليوم كنت امشيء فيه. والساعه 7 الصبح جاتني الطلوق وولدت الحمد لله الساعه 11 الصبح.
    كان كمان مكتوب تحذير ع الحذاء انو ممنوع ع الحامل تلبسه لانه بينبه الرحم ويخليه ينفتح. بس اكرر هل صدفه ولا جد هو السبب لان لبسته وماكان عندي لاطلق ولا شي.
  3. صاحبة الموضوع
    بائعه المسك
    كلامك سليم عن التمر لأكن فيه معلومة انه يُرقّق عنق الرحم ويسهل فتحه
    ومشكورة ع الورد واه شاءالله بدور عليه


    أغصان الشمال
    الله يسهلك يارب
    عذبه البسمه
    يمكن يكون السبب مدام كتبو عليها السبب

تابعي تجارب أخرى من هذا القسم.