سرت عصبيه جدا ..

السلام عليكم ورحمة الله وبركاته
كيفكم
واخباركم
ابي حل لمشكلتي .. سابقا كنت رايقه وهاديه
الحين العكس تمام عصبيه جدا جدا
مدري وش السبب .. اي شئ يعصبني يخليني اتنرفز
قبل كنت مو اي شئ ينرفزني .. الحين العكس
بس ابي اتهاوش مااتحمل شئ
كيف ارجع مثل قبل .. كنت حتي المواقف اللي المفروض اعصب بالعكس امسك نفسي واعديها ع خير
الحين اعصابي ماامسكها نهائي ..

5 تعليق 1,716 مشاهدة

شاركي في النقاش

سجلي الدخول لإضافة تعليق.

التعليقات

5
  1. @akoamaryn22

    وعليكم السلام ورحمةالله وبركاته


    اختي الغاليه اكثر دكاترة علم النفس يقولون الضغوط النفسيه
    والمشاكل المركونه والمفتوحه الي ما نصل لحل لها
    هيه الي تغير من مزاجنا وشخصيتنا


    الحل هيه تيبين ورقه وقلم
    وتكتبين كل شي في الحياه من يوم انولتي للحين زاعجنج
    وبعدين تكتبين جدام كل شي حلول كثيره مستحيل او غير مستحيله قريبه الحلول ولا بعيده
    بعدين ترجعين تقرينهن بهدوء شديد وتكون عندج ورقه بيضا
    وتقرينها بهدوء وتكتشفين بنفسج شو هيه المشكلات الحقيقيه وشو الي تراكمة وياج
    الي صارت من الماضي ولا تاثر على المستقبل بس شاله في نفسج اشطبيها فورا
    والي حسينا انها تستحق الحلول انقليها في الورقه الثانيه ومع الحلول الي كتبتيها
    واحرقي الورقه الاصليه وتخيلي ان الشاكل المتراكمه راحت


    بعدين مسكي هالورقه وخليها في مكان لمدة اسبوع
    ورجعي قريها وسوي نفس الشي بس هالمره انقلي الحلول المعقوله
    وحاولي تتخلصين من المشاكل البسيطه وتركزين على المشاكل الي تقدرين تحلينها


    والي ما تقدرين تحلينها في الوقت الراهن نقليها في الورقه وكتبي عليها لي رب عظيم سيحل كافة مشاكلي
    سالزم الاستغفار وباذن الله ربي بيحلها ودائما رددي هالايه الكريمه عشان تستشعرين بعضمتها لان فيها الدواء لكل داء
    بس ضعفنا كبشر اتينا لحظات ضعف ننهار فيها
    قال الله تعالى : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) نوح/10 - 12 .



    لا تستغفرين بنيت مشكله معينه لا استغفري وانتي تتاملين في الايه شوفي عظمتها
    واذا حسيتي المشاكل الي كتبتيها مب كفايه انها تحول مزاجج وشخصيتج
    معناته عندج تراكمات كبيره لسنين لدرجة انتي نسيتيها بس العقل الباطن محتفظ باثرها
    وهوه نفسه مخفي السبب عنج هنيه
    يباله تتصالحين مع نفسج
    والي حواليج وتبتدين تقرين كتب عن التسامح والعفو والثقه بالله واي شي ايجابي
    واذا في شي متعبنج لا تمسكين عمرج بالعكس صيحي وصيحي وصيحي لين تحسين بتحسن


    هذا الي عندي وبعضه سمعته اليوم فكتبتلج الجديم واليديد عله يفيدج ويفيدني ويفيد كل المسلمين


    قولي يارب
  2. @gn_byty

    عزيزتي طبقي الكلام الي قالته الاخت الي فوق الله يجزاها خير


    وياقلبي سبب تعبنا يمكن عندنا عدم رضاء بالقدر
    وياقلبي صدقيني مافي شي بيخيلي نفسك عسل الا القرب من الله والقران والاذكار والاستغفار والتسبيح
    وريحي بالك وقلبي وهدي من نفسك
    كله من الشيطان ليحزن اللذين امنوا
    الشيطان يبي يشوفك عصبيه وحزينه
    ربي يرزقك من واسه فضله
  3. نفس اللي صار لاختي واكتشفنا ان عندها غده درقيه
    ويووم اخذت العلاج سبحان الله رجعت مثل اول هاديه
  4. وانا مثلك والسبب اني ابي اسوي عمليه تجميل وتعبت نفسيا والله اني كنت هااااادئه بشك ماتتصورونه وبعدها تزوجت وانفصلت وزادت عصبيتي وصلت للجنووووون اسال الله ان يريح قلوبنا ويرزقنا رضاه ويلطف بحالنا والله اليوم الي اقرا فيه قران ةاستغفر تتعدل نفسيتي الحمد لله بس احيانا يزيد عليه الشيطان اعوذ بالله منه الله يهديني صرت اتخاصم مع ابوي ووضعي صاااار يحزن

تابعي تجارب أخرى من هذا القسم.