عادي الوحده تولد اول اسبوع بتاسع

السلام عليكم اخباااركم كروشات الله يسهل علينا جميعا انا اخر دوره لي في 3-2-1436 قالت لي الدكتوره ادخل التاسع في 17-10 عادي الوحده تولد في اول التاسع انا ابغا اولد بدري يعني من اول اسبوع امشي كثير عشان اولد اول اسبوع ومفكره اشرب زيت الخروع في 20-10****لله اكون كد دخلت التااسع و****لله راح استخدم الحلتيت الي تفتح الرحم هل فيه خطر لو اسوي كذا الجنين وزنه مرره كويس وحملي الحمد لله كله كويس بس انا ضقت من الحمل خلاااص الدكتوره تقول فيه نزووول خفيف في المشيمه نزول مو خطير النزول ماصار الا يوم دخلت الثامن ردو علي تكفووون و****لله ياااارب اولد من اول اسبوووع

22 تعليق 4,601 مشاهدة

شاركي في النقاش

سجلي الدخول لإضافة تعليق.

التعليقات

20
  1. @loooly12345

    مايصلح ياختي تعبثين بحالك
    ولاتحسبين هالاشياء بتجيب لك ولاده لو ماجا وقتها بس تتسببين على نفسك بشي مو زين لاسمح الله
    بالعكس دام عندك نزول خفيف ارتاحي وكولي رطب كل يوم وتحملي هالشهر لين ربي يرزقك الولاده نصيحه لاتستخدمين ولاااااشي والله انا بالتاسع حتى مشي ماامشي كثير والحمدلله يسهلها ربي
    الله يقومك بالسلامه انتي والنونو واللي صبرك شهور يصبرك كم اسبوع
  2. @am_aazoz_alktkoth

    الحلتيت خطيررره جدا انتبهي
    وزيت الخروع يستخدم اذا انفتح رحمك وعلق تشربين ملعقتين ويكون محفز لااكثر
    اما انه هو بيولدكك مستحيل م راح تجيك الولاده الا بميلاد جنينك
    ونقطه مهمه الدعاء الدعاء كثري منه
    2. امشي نص ساعه من اخر اسبوع بالثامن ابدي امشي
    واذا دخلتي التاسع كثري الوقت يعني نص ساعه مساء ونص ساعه بالليل وكثري جماع من اول يوم بالتاسع ولاتقومين اذا انتهى خليك منسدحه ربع ساعه
    والدرج مره جميل ارقي درج وانزلي مرتين باليوم
    وكلي رطب وبس


    الين يجيك طلق ويفتح رحمك لو 1 سم عقب عاد اشربي حبه سوداء اغليها وحليها بعسل وامشي كثير ... اما الان بس سوي الي فوق


    والله يسهل لك
  3. وعليكم السلام ورحمة الله وبركاته...
    انتي دورتك مثلي بنفس الوقت بس الفرق بيننا يوم ..انا راح اولد في نص التاسع لان عندي ثخثر في الدم ....


    دااام وضعك تمااام وماعندك مشاكل تحملي التعب وخلي الولاده تجي من عند ربي ....
    لا تلعبين بنفسك اعشاب ومدري ايش اذا تبي النصيحه لا تستخدمي اي شي من اللي ذكرتيه ....


    امشي وكلي تمر واذا مافيك شده تكملين التاسع روحي للدكتوره وخذي رايهااا بخصوص الولاده في اول اسبوع وهي راح تعطيك النصايح لك وللجنينك ....
    احسن من الاعشاب ...
    اسال الله ان يسهل علينا حملنا ويسر لنا ولادتناا ويرزقنا لي ولك الذريه الصالحه بدون زياده ولا نقصان ....
  4. تحملي ياختي انا جربت الخروع ثالث اسبوع بالتاسع وماولدت والرحم كان مفتوح بعد بس عذبني بالمغص والطلق وبعدها اختفى كل شي والحلتيته بس ريحه معفنه

تابعي تجارب أخرى من هذا القسم.