التجمع الثالث لأمهات مواليد ( ينايـ..1..ــر و فبرايــ..2..ــر ) 2016

سهى ترى الحمل و الولاده و ما بعد الولاده الم لحظي ثوووواني و انتهى كل شى دعواتك و بس اذا خفتي ادعي من كل قلبك
ربي يسهلها من عنده
انا نفس مشاعرك ما ابي اتكشف قدام الناس ما ابي اتالم م ابي اسمن ما ابي ارضع و ما ابي احد يقولي ماما كلها اشياء غريبه و محرجه بس و الله ان كل هالاشياء تهون لما تشوفين طفلك مو من اول نظر لا مبالغه
بعد شهر او شهرين او اكثر من ولادته تحسين انك مهمه انك رائعه انه فيه شخص ما ينام الا بحضنك م بيثق الا فيك م يعرف الا انتي يترك الكل و يجري لحظنك تنومينه في فراشه تصحين تلاقينه نايم جنبك
ترى تشوفي الامهات يتشكون من شقواة عيالهم عند الناس بس لما ما في ناس يكون هالطفل سعاااااده ونسسس و جماااال و كوااااته
فاستغفري ربك و ادعي ربي يجيبه لك سليم معافى
و الله يجعله قره عينك و يجعله بار فيك

ام ميدو يبان الولد من الاسبوع 12 انا زيك بالضبط وقالي الدكتور على الاغلب ولد فرحت كثير لانه نفسي بالاول ولد. مع انه زوجي عادي جدا بس احسه يبي ولد اول واحد وخبرني طبيبي المره الجايع بكون موعدي بنهايه الاسبوع 19 بيأكد لي الحمدلله على النعمه. بس بقولكم يابنات متى تحس الام بحركه الجنين ومتى تطلع الكرشه انا كنت رشيقه قبل الحمل ومن الوحم نزلت 12 كيلو الان صرت نحيفه بس لسا ما طلع بي بطن متى يطلع. 😭

سهى توي اقرا كل كلامك مشاعر ملخبطه عادي بس مو تكرهينه اكيد هذا الاحساس مش من قلبك انا تعبت تعب وعمليات علشان الحمل مو حبا في الحمل ابدا لا بس كان ودي افرح زوجي واهدي قطعه مني فقط وانا زيك ببدايه الثلاثينات وزوجي اكبر مني محنا صغار لكن من التعب اللي حصل لي كرهت الحمل كره وكرهت ولدي ولافرحت فيه ولا انبسطت 3 شهور مااتحرك من السرير غير نومه المستشفيات ونزيف وحاله ابر المغذيات والتحاليل للان مشوه ايدي واخذت فوق 20 نوع دوا جد اقولك كرهته وكاره شي اسمه رضاعه وشايله همها اكره هالشغله. لكن مع كل هذا مستحيل افرط في تعبني ومعاناتي انا مت وربي حياني من جديد. ماني عارفه كيف بتحمل الولاده وكيف بربيه لكن هذا صار واجبي وماابي اخسره. تعوذي من ابليس واشكري الله على النعمه وبكره لما تشترين له ملابسه وتشوفينه يكبر قدامك راح تحبيه

السلام عليكم
كيفكم بنات
مرة انقهرت من زوجي كل ما اخترت اسم يرفضه ويعاندني
انا الى الان ماعرفت جنس الجنين بس هو ترك لي حرية اختيار اسم البنت اما الولد قال لازم يعجبه
واخترت اسم تميم ورفض بقوة
واليوم قلت له مهند قال لا والله مهند ولميس
انا ولدي الكبير اسمه سيف واسم مهند من اسماء السيوف وراكب عليه واعجبني شسوي فيه

كيفكم بنات ..


هاليومين ظهري مره يوجعني .. موعدي الحمدلله السبت الجاي .. بحسبه البرامج يوم الاثنين بكمل 13 اسبوع وادخل الرابع


بس انتو تقولو لازم 13 اسبوع و3 ايام وادخل الرابع
المهم فيني نووووم مو طبيعي