بشرى لنا..نلنا المنى..زال العنا..واتى الهنا..تباشــــ3ير لمواليد يوليو واغسطس

.

سلامتك ام توتو🌹
انا اخذتها ببكري ، فعلا كان مكانها مؤلم بس لما اضغط عليه او ألمسه وشي بسيط مومثل وصفك وفتره قصيرة وماعاد حسيت بشي، انتي اذا وحتي تراجعين كلمي الدكتورةيمكن تعطيك مرهم يهدي الألم..

بنات على أي أساس الدكتورة تكشف كم فاتح؟
يعني لازم يكون معي ألم عشان تكشف؟!
مراجعتي الاسبوع الماضي ماكشفت علي ولاسألتني
هالمره أنا بطلب منها وخايفه ماتطيع
ابي اعرف اذا فاتح او لا عشان اتفائل هههه

بالنسبة للأكشن تبعي،، انا قلتلكم اول يوم العيد شربت خروع ماجاب نتيجة بس جابلي مغص وطلق ولما رحت المستشفى وقف الطلق خلوني 4 ساعات وكشفو قالو مفتوح واحد سانتي بس وطلعوني قالو مافي ولادة،، بعدين يوم الخميس كان موعدي عند الدكتورة وكشفت قالتلي مفتوح 3سم والضغط كان مرتفع وقالتلي لو حسيتي صداع تعالي ع المستفشى عشان لا يكون الضغط ارتفع،، صحيت الجمعة شكلو من التفكير وراسي مرة تقيلة وصداع فظيع معايا،، قلت خلاص مافيها لازم اروح،، ولما رحت قاسو الضغط الحمدلله طبيعي،، وقعدوني سوو تخطيط قعدت 4 ساعات بعدين قالو مافي طلق ولا شي ،، وقالولي لاعاد تجي مرة تانية اذا حسيتي اي شي غريب اتصلي علينا ونحن نقلك تجي ولا لا 😂 طفشتهم ،، المهم في موعدي الخميس كشفت عليا الدكتورة وقالت مفتوح 3سم لازم اولدك في دي اليومين وقالت المستشفى حيتصلو عليك وتجي على طول،، ورجعت البيت بعدها بيوم نزلت عليا السدادة كانت افراز مرة تقيل الله يكرمكم ومعاه دم زوجي يقلي اتصلي عليهم قلتلو مني متصلة خلاص يكفي فشالة لانو قريت في النت اذا نزلت السدادة مو شرط الولادة في نفس اليوم ممكن تمتد لاسبوع او اكثر،، المهم اتصلو المستشفى عليا قالو خلاص الاحد موعدك تجي نعطيك طلق صناعي،، ومرة كنت شايلة هم الطلق الصناعي،، المهم غامرت مرة تانية وشربت زيت خروع وكمان حليب بالعسل والقرفة ونمت وصحيت الفجر الله يكرمكم اسهاااال ,, وحسيت كانو الموية انفتحت بس ما كنت متأكدة، وزوجي يقلي يلا نروح وانا اقالو لا يمكن الي نزل مو مية مني متأكدة لاني كنت في الحمام وانتو بكرامة،، ويبدأ معايا الطلق وزوجي مصر الا نروح وانا احلف ايمان مانروح قلتلو لما اوصل حيوقف الطلق زي المرة الماضي دا بس مغص بسبب الخروع وحيقعدوني 4 ساعات وبعدين يخرجوني وهم قالولي لاتجي مرة تانية،، وقعدت اتحمل الالم وكل بالي انو دا بس مغص بسبب الخروع الين خلاص صار مرة منتظم ورا بعض المستشفى اتصلو قالو خلاص فضي سرير لازم تجي في خلال ساعة ولا يروح طبعا زوجي على طول قلي خلاص قومي حتى لو كان الي معاك موطلق هم اتصلو وراح يولدوك،، محا يرجعوك تاني،، ولبست ورحت ولما كشفت الدكتورة قالت 6 سم ولادة،، قلتلهم ابغا ابرة الظهر خلاص مرة اتعذبت من الطلق واعطوني هيا وارتحت الحمدلله بس كنت احس بالم بس اخف من اول وبس قعدت الين فتح الرحم كامل وبدأت معاناة الدفع ،، اقلهم ابغا حمام مهم راضيين يقولو خلاص هذا البيبي وانا مو مقتنعة كأنها اول ولادة ومو عارفة😂 بس مع الالم الوحدة ماتفكر مزبوط جات الدكتورة وقاعدة تعلمني كيف ادف مزبوط الين خرجت بنتي بالسلامة ،، حسيت روحي طلعت ورجعت تاني بس شفتها في حضني،، في بكريتي من يوم ماخرجت بنتي اعطوني بنج كامل ما اعرف ليش ماسمعت صوتها ولا شفتها الا بعد 5 ساعات بس هذه المرة شفتها ع طول وحطوها على صدري،،
وكدا خلصت رحلة الحمل والولادة وبدأت الرحلة الاصعب رحلة التربية،،
الله يعيننا على تربيتهم التربية الحنسة ياااااارب،،

والله يسهل لكل الحوامل بولادة سهلة ميسرة ،،

نصيحة بنات الي يجيها الم ويكون منتظم تروح على طول هناك يعطو مسكنات وممكن تاخدي ابرة الظهر احسن ماتقعدو تاخدو كل الالم في البيت زي ماسار معايا،،

انا ازهار
ايوا حبيبتي انتي دخلتي الاسبوع 39