🌟🌟تجمع الرابطات ( ربط عنق الرحم) 🌹🌹السادس والثلاثون 36

ماينفع المضاد الححبوب راح تتعبي
المضاد بالوريد مفعوله اقوا وبس ثلاث ايام..
البكتيريا متعبه. انتبهي لنفسك لساعك باول الربط..
وابتعدي عن الجماع او اي احتكاك..
واشربي مويه كثير ولبن
في ناس تقول شطفي بمويه ولبن.. لانه اللبن يقتل البكتيريا..


مولازم تقيسي عنق الرحم لاتوسوسي خلاص دام سويتي ربط ماراح تفرق معاكي طال او قصر ايش بتسوي يعني؟!
بس الزمي الراحه وارفعي رجلك لاتتحركي كثير

والله يتمملك

الله يجزاك خير ماقصرتي ابستخدم هالمضاد واذا خلص الكورس برجع احلل واذا قالو باقي فيه بااخذ بالوريد والله يسهل يارب

ودي انصحكم نصيحه للي رابطه واللي ناوية تربط ..


بذكرلكم تجربتي عشان توصلكم نصايحي ،، انا حملي عزيز بعد 13 سنه وطول عنق الرحم 5 سانتي ولاني حامل بتوام تقررلي ربط من ثلاثه استشاريين واخصائيتين وسويت الربط الحمدلله والكل كان ينبهني من الالتهابات حتى لو عندي ضرس ملتهب بيأثر على الجنين ولاني اهملت تحليل الالتهابات ندمت اني ربطت لان الربط يسبب التهابات تاثر على الاجنه ولاني بالرغم اني نظيفه وعلى كل فرض اغير فوطه يوميه ومالاحظت افرازات كريهه وافرازاتي كانت ليمونيه خفيفه بدون ريحه ..
وقدر الله يوم كنت نايمه واصحى كاني متبوله على نفسي
جاني خوف وهلع عرفت انها موية الجنين لانها سايله مثل البول بس بدون ريحه وغرقت ملابسي الداخليه والخارجيه حتى الفوطه اليوميه اللي حاطتها ..
وصارت تصبصب عليه ورحت الطوارئ وقالوا لازم نفتح الربط عشان الالتهاب اكيد وصل موية الجنين فراح يسحب الاجنه وينزلهم،، فالافضل نفك الربط عشان ماينفجر الرحم!!!
انا كنت موافقه يفكوا الربط لان ماكنت ادري ان ميه بالميه راح اسقط .. بس زوجي استفسر من الاستشاري وعرف ان الموضوع كبير فقرر زوجي يكتبولي خروج على مسؤوليته ...
وعلى طول اطلع من عندهم واروح المستشفى اللي عملي الربط وعلى طول من الطوارى للعناية مضادات خيويه وغذايات وتحاليل حتى مغطس دافي ماشالله عملولي..عشان يقتلون البكتيريا والفطريات ..
ويوقفون التسرب باذن الله واللحين لي 5 ايام بالعناية والحمدلله وقفت المويه ، بفضل الله طحت تحت دكتوره ممتازه كان اللحين فقدت اجنتي ..

فانتبهي من هالنقاط اخواتي اللي حرصتني عليها دكتورتي الجميله ..
-المنطقه لازم تنغسل مضبوط
-المنطقه لازم تتهوى
-وممنوع الفوط اليوميه لانها تزيد بالالتهابات
-اجلسي 5 دقايق في مغطس دافي معاه ملح
-تحاميل التثبيت تكون شرجيه
-لازم تسوين مسحة طبيه اومزرعه عشان تشوفين عندك بكتيريا وفطريات او لا ، كل اسبوعين ع الاقل..
-اكثري من شرب الموية
وبس ربي يتمملك حملكم ويسهل ولادتكم ولاتخافون من شي اسمه ربط انا حكيتلكم تجربتي لاني اهملت وماحبيت يصير فيكم اللي صار فيني ..

الحمدلله على سلامتك وربي يقر عينك بشوفتهم وبسهلك امورك
انت باي مستشفى
حملي الاول مثلك بس بدون ربط انفكت الماء بسبب الالتهاب لكن حطني الله في مستشفى جعلكم ماتجونه بس يتحرونه ينزل وفقدته ربي يعوض علي ويكتب لي من عمري ذريه طيبه صالحه وكل منهي تبي

الله يسلمك يارب واسم المستشفى اللي اهتم فيني قوى الامن بالدمن والاستشاريه اسمها مهيتاب ..