اللي ولدو قريب في مستشفى دله

يابنات انا الحمدلله ولدت من عشرين يوم في مستشفى دله وطلبت إبرة ظهر وسواها لي د خالد حسن عراقي وما أتقن موقع الابره وماصار لها مفعول أبد وعطوني طلق صناعي وشفت الموت والممرضه خلتني وراحت وسكرت علي الباب آخر قياس للرحم كان 3 سم وراحو وخلوني في عذاب ضغطت على زر الممرضه ولا اهتمت ولا جت وزوجي سمع صوتي وجا وبعدين جت الممرضه والطبيبه المناوبة وقاسو الرحم 10 سم وراس الطفل بيطلع واستدعو الطبيبه اللي انا طالبه لها استدعاء وولدت الحمدلله بس انا جدا زعلت من تعاملهم وتركهم لي وماضبطو إبرة الظهر بعدين استرجعت فلوس إبرة الظهر ألفين وشوي يابنات اللي ولدت في دله قريب ياريت تحط تجربتها عشان اللي بتولد في دله تستفيد وتحتاط على فكره انا ولدت قبل كذا في دله وطبيب التخدير كان مصري اسمه أبو المكارم وكان ممتاز اما العراقي ماعرف وين المكان الصحيح لأبرهالظهر بس حبيت أنصح أخواتي وياليت الأخوات الأخريات يفيدون الحوامل ؛ودمتم بخير ،،،،

13 تعليق 2,559 مشاهدة

شاركي في النقاش

سجلي الدخول لإضافة تعليق.

التعليقات

13
  1. @taty_shobyng888

    حماتي توها ولدت فيه في رمضان
    سبق كتبت نبذه عنه ان تعامل الممرضات مو كويس غرفهم زفت وحماماتهم كنها حمامات عامه الديكور اقصد يعني المفروض ع مايكسبون يجددون
    بالنسبه للابره مو شرط مااتقن مكانها ممكن كمية البنج قليله انا صار معي كذا في المشاري بس طلبت يزودون وزودو وماصرت احس
    هما يخافون لو كثرو ماتحسي بالمنطقه ولا تدفعي زين وقت الدفع ويضطرون يشفطون النونو لاسمح الله

تابعي تجارب أخرى من هذا القسم.